ҶОМИ ОСИЁ-2023. Дастаи мунтахаби Тоҷикистон аз тими миллии Қатар мағлуб шуд

ДУШАНБЕ, 17.01.2024 /АМИТ «Ховар»/. Дастаи мунтахаби Тоҷикистон дар даври дуюми марҳилаи гурӯҳии Ҷоми Осиё-2023 аз  тими миллии Қатар мағлуб шуд, хабар медиҳад АМИТ «Ховар».

Ин бозӣ имрӯз, 17 январ  дар варзишгоҳи «Ал-Байт»-и Давҳа баргузор шуда, бо ҳисоби 0:1 анҷом ёфт.

Ёдовар мешавем, ки дастаи мунтахаби Тоҷикистон оид ба футбол дар қисми финалии Ҷоми Осиё-2023 дар гурӯҳи «А», ки дар Қатар идома дорад, дар бозии аввал бо дастаи мунтахаби Чин мусовӣ бозӣ намуд.

Бозии ин дастаҳои мунтахаб 13 январ дар варзишгоҳи «Абдулло бин Халифа»-и шаҳри Давҳа баргузор шуда, бо натиҷаи мусовии 0:0 анҷом ёфт.

Дар даври сеюми марҳилаи гурӯҳии мусобиқот 22 январ дастаи мунтахаби Тоҷикистон бо дастаи мунтахаби яккачини Лубнон рақобат менамояд.

Аз ҳар гурӯҳ дудастаӣ ва инчунин чаҳор дастаи беҳтарин аз байни ҷойҳои сеюм ба даври 1/8-ниҳоии Ҷоми Осиё-2023 роҳ меёбанд.

АКС: Федератсияи футболи Тоҷикистон