ҶОМИ ОСИЁ-2023. Гурӯҳи ҳакамон аз Ҷопон бозии Тоҷикистон ва Қатарро доварӣ менамояд

ДУШАНБЕ, 16.01.2024 /АМИТ «Ховар»/. Номи ҳакамоне, ки бозии даври дуюми марҳилаи гурӯҳии Ҷоми Осиё-2023 оид ба футбол  дар чаҳоргонаи «А» байни дастаҳои мунтахаби Тоҷикистон ва Қатарро доварӣ менамоянд, маълум шуд, хабар медиҳад АМИТ «Ховар» бо истинод ба Федератсияи футболи Тоҷикистон.

 Бозиро ҳайати доварон аз Ҷопон ҳакамӣ менамояд. Довари марказии рақобат довари ФИФА Ҳироюки Кимураи 41-сола таъйин шуд. Ёварони довари ФИФА Джун Михара ва Такуми Такаги ба ӯ кумак менамояд. Вазифаи довари эҳтиётӣ ба дӯши довари ФИФА Йошими Ямашита вогузор шудааст. Дар VAR Иида Юмпей кор намуда, ёвари VAR Юсуке Араки мебошад.

Бояд гуфт, ки бозии дастаҳои мунтахаби Тоҷикистон ва Қатар 17 январ дар варзишгоҳи «Ал-Байт»-и Давҳа баргузор шуда, соати 17:30 ба вақти маҳаллӣ (19:30 ба вақти Душанбе) оғоз мешавад.

АКС: Федератсияи футболи Тоҷикистон