Соли 2024 ташрифи Президенти Туркия ба Тоҷикистон дар нақша аст
ДУШАНБЕ, 16.01.2024 /АМИТ «Ховар»/. Интизор меравад соли 2024 Президенти Ҷумҳурии Туркия Реҷеп Тайип Эрдоган ба Ҷумҳурии Тоҷикистон ташриф орад. Дар ин хусус Сафири Ҷумҳурии Туркия дар Ҷумҳурии Тоҷикистон Умут Аҷар зимни нишасти хабарӣ, ки дар доираи сафари расмии Вазири корҳои хориҷии Туркия Ҳақан Фидан ба Тоҷикистон баргузор гардид, иттилоъ дод.
Гуфта шуд, ки зимни сафари расмии Вазири корҳои хориҷии Туркия Ҳақан Фидан дар Душанбе ҳамкории сиёсӣ, иқтисодӣ, тиҷоратӣ, сармоягузорӣ, маориф, илм, фарҳанг, тандурустӣ, сайёҳӣ, таъмини амният, мубориза бо терроризм ва тақвияти заминаҳои ҳуқуқии муносибатҳо баррасӣ гардид.
Тазаккур дода шуд, ки роҳҳои иштироки ҷониби Туркия дар амалисозии лоиҳаҳои иқтисодӣ ва тиҷоратӣ дар Тоҷикистон низ баррасӣ шуданд.
Дар вохӯриҳо доир ба масъалаи муносибатҳои дуҷониба, инчунин минтақавӣ ва амниятӣ табодули афкор анҷом дода шуда, имзои «Барномаи ҳамкорӣ байни вазоратҳои корҳои хориҷии Тоҷикистон ва Туркия барои солҳои 2024-2026» — таъкид гардид дар нишасти хабарӣ.
АКС: АМИТ «Ховар»
Вазири корҳои хориҷии Тоҷикистон бо сафири навтаъйини Ҷумҳурии Мардумии Чин мулоқот намуд
Дар Конфедератсияи Швейтсария имконоту зарфияти сайёҳии Тоҷикистон муаррифӣ гардид
Сафири Тоҷикистон бо ҳамватанони муқими ҳавзаи федералии Шарқи Дури Русия вохӯрӣ намуд
Давлатшоҳ Гулмаҳмадзода ва Сергей Кузнесов дурнамои ҳамкории дуҷонибаро баррасӣ намуданд
Рушди ҳамкории фарҳангии Тоҷикистон ва Эрон баррасӣ шуд
Дурнамои таҳкими ҳамкории гуногунсоҳаи Тоҷикистон ва Узбекистон баррасӣ карда шуд
Ҷалби сармоягузории Швейтсария ба бахшҳои калидии Тоҷикистон баррасӣ карда шуд
Дар Душанбе оид ба омодагӣ ба Форуми сармоягузорӣ дар соҳаи сайёҳӣ брифинг доир шуд
Дурнамои ҳамкории тиҷоратию иқтисодии Тоҷикистон ва Туркия баррасӣ гардид
Дипломатҳои ҷавони Тоҷикистон дониши худро оид ба ҳуқуқи байналмилалии башардӯстӣ такмил доданд
Роҳҳои густариши ҳамкории Тоҷикистон ва Амороти Муттаҳидаи Араб баррасӣ шуданд
Дар Исломобод густариши ҳамкории фарҳангии Тоҷикистону Покистон баррасӣ гардид
