Дар Душанбе масъалаи расонидани ёрии аввалини тиббӣ дар ҳолатҳои фавқулода бо Созмони ҷаҳонии тандурустӣ баррасӣ шуд
ДУШАНБЕ, 10.02.2024 /АМИТ «Ховар»/. Дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо ҳайати Намояндагии Созмони ҷаҳонии тандурустӣ дар Ҷумҳурии Тоҷикистон таҳти роҳбарии Гирт Гиджс-коршиноси Бюрои аврупоии Созмони ҷаҳонии тандурустӣ мулоқот баргузор шуд. Дар ин хусус АМИТ «Ховар» бо истинод ба ин кумита хабар медиҳад.
Дар мулоқот оид ба масъалаҳои расонидани ёрии аввалини тиббӣ дар ҳолатҳои фавқулода табодули афкор намуда, масъалаҳои зарурати ворид намудани низоми ягонаи қувва ва воситаҳои Кумита дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, ташкил ва муайян намудани вазифаҳои техникии Гурӯҳи кории миллии расонидани ёрии таъҷилии тиббӣ, муайян намудани нақш ва масъулияти Ҳамоҳангсози миллӣ оид ба Гурӯҳи миллии кории тими миллӣ оид ба таъмини ёрии оҷилии тиббӣ баррасӣ шуданд.
Ҳамзамон масъалаҳои рушди минбаъдаи ҳамкории Кумитаи ҳолатҳои фавқулода ва мудофиаи гражданӣ ва Созмони ҷаҳонии тандурустӣ оид ба расонидани ёрии таъҷилии тиббӣ дар ҳолатҳои фавқулода мавриди баррасӣ қарор гирифтанд.
Ҳамчунин тасмим гирифта шуд, ки Созишномаи сеҷонибаи ҳамкорӣ байни Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Созмони ҷаҳонии тандурустӣ имзо шавад.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Музаффар Ашуриён: «Конститутсияи Тоҷикистон санади тақдирсоз ва муайянкунандаи сарнавишти халқу миллати мо мебошад»
Дар пойтахт Симпозиуми байналмилалии «Саҳми Абӯалӣ ибни Сино дар рушди илм, фалсафа ва тамаддуни ҷаҳонӣ» идома дорад
Доир ба нақши Конститутсия дар рушди давлатдории миллӣ ҳамоиш баргузор гардид
Моҳи ноябр Тоҷикистонро чӣ гуна ҳаво интизор аст?
Ҳуҷраи кории аввалин президенти Академияи фанҳои Тоҷикистон Садриддин Айнӣ навсозӣ гардид
Дар Душанбе Форуми ёздаҳуми миллӣ оид ба волоияти қонун оғоз гардид
Симпозиуми байналмилалӣ таҳти унвони «Саҳми Абуалӣ ибни Сино дар рушди илм, фалсафа ва тамаддуни ҷаҳонӣ» оғоз гардид
Дар вилояти Свердловски Федератсияи Русия дар мавзуи рушди саноатикунонии Тоҷикистон вохӯрӣ доир шуд
Дар 9 моҳи соли равон дар Тоҷикистон 76 муассисаи тандурустӣ сохта ба истифода дода шуд
Дар Ваколатдор оид ба ҳуқуқи инсон 31-солагии Конститутсияи Ҷумҳурии Тоҷикистонро ҷашн гирифтанд
Дар Душанбе Форуми ёздаҳуми миллӣ оид ба волоияти қонун баргузор мешавад
Дар ноҳияи Ёвон «Чойхонаи собиқадорон» ифтитоҳ ёфт
