Дар қитъаи таҷрибавии Институти биологии «Помир» гармхонаи нави парвариши гулу буттаҳои ороишӣ бунёд мегардад
ХОРУҒ, 18.02.2024 /АМИТ «Ховар»/. Олимон ва кормандони техникии Институти биологии «Помир»-и Академияи миллии илмҳои Тоҷикистон бо мақсади сари вақт гулпӯш намудани кӯчаву хиёбонҳои шаҳри Хоруғ дар яке аз қитъаҳои замини таҷрибавӣ ба бунёди гармхона ё гулхона оғоз намуданд, ки даҳаи дуюми моҳи феврал мавриди баҳрабардорӣ қарор мегирад. Мавсими гулшинонӣ дар шаҳри Хоруғ одатан аз даҳаи дуюми моҳи апрел оғоз шуда, то даҳаи аввали моҳи май идома меёбад. Ба гуфтаи олимон, то ин вақт кӯчати гулҳо низ омода мегардад.
Муовини директор оид ба корҳои хоҷагӣ Шавкат Исроров ба хабарнигори минтақавии АМИТ «Ховар» Файз Мирасан гуфт, ки «ҳанӯз солҳои ҳаштодуми асри гузашта дар қитъаи таҷрибавӣ гармхона бунёд намуда буданд, аммо он замон дар кӯчаву хиёбонҳои шаҳр фақат дарахтони сафедор ва мевадиҳанда мешинониданд ва ба парвариши гулу буттаҳои ороишӣ чандон аҳамият зоҳир намегардид.
Бо иқдоми олимони институти мо ин гармхона комилан аз байн бардошта шуда, ба ҷои он гармхонаи замонавӣ сохта мешавад. Мутобиқи лоиҳа, дарозии гармхонаи нав 60 метрро дар бар гирифта, паҳноии он 11 метр аст. Дар ин гармхона дар баробари парвариши гулҳои рангоранг ҳамчунин бо иштироки донишҷӯёну устодони факултети биологияи Донишгоҳи давлатии Хоруғ корҳои селексионӣ анҷом ёфта, парвариш ва ба иқлими сарди кӯҳистон мутобиқ намудани гулу буттаҳои ороишӣ, гузаронидани таҷрибаҳои биологиву физиологӣ ва омӯхтани хусусияти навъҳои гулу гиёҳҳо низ ба нақша гирифта шудааст».
Ба сохтмони гармхона 12 бинокор аз Ҷамъияти масъулияташ маҳдуди «Меъмор» ҷалб шуда, таҳкурсии гармхонаро пурра ба анҷом расонидаанд. Коргарон ҳоло ба васлу насби қолаб аз симчӯбҳои оҳанин шуруъ намудаанд.
Шавкат Исроров гуфт, ки то имрӯз дар шаҳри Хоруғ 6 гармхонаи хурд, дар ноҳияи Шуғнон 2 ва дар ноҳияи Дарвоз 3 гармхона вуҷуд доранд, ки ба парвариши гулу буттаҳои ороишӣ машғул мебошанд. Аммо азбаски масоҳати ин гармхонаҳо хурд аст, онҳо имкон надоранд, ки кӯчаву хиёбонҳои асосии шаҳри Хоруғ ва маркази ноҳияҳоро сари вақт бо кӯчати гулҳо таъмин намоянд.
АКС: АМИТ «Ховар»
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
Дар 7 соли охир дар Тоҷикистон беш аз 2600 корхонаи саноатӣ ба фаъолият оғоз намудааст
Корхонаҳои саноатии ноҳияи Мастчоҳ ба маблағи беш аз 356 миллион сомонӣ маҳсулот истеҳсол намудаанд
Соли 2025 дар Вилояти Мухтори Кӯҳистони Бадахшон беш аз 50 корхонаи саноатӣ ба истифода дода шуд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷалолидини Балхӣ ба фаъолияти Корхонаи макарони «Руми Паста» оғоз бахшиданд
Сарвари давлат Эмомалӣ Раҳмон дар ноҳияи Ҷалолиддини Балхӣ корхонаи орди ба номи Маҷид Ҳафизовро ифтитоҳ намуданд
Сафари кории Пешвои миллат Эмомалӣ Раҳмон ба ноҳияи Ҷайҳун бо ифтитоҳи Корхонаи «Шири Ҷайҳун» оғоз ёфт
Пешвои миллат Эмомалӣ Раҳмон дар шаҳри Душанбе ба фаъолияти марҳилаи дуюми ҶДММ «Кока-Кола Нӯшокиҳои Тоҷикистон» оғози расмӣ бахшиданд
СОЛҲОИ РУШДИ САНОАТ. Дар шаҳри Турсунзода зиёда аз 100 корхонаи хурду бузурги саноатӣ фаъолият менамояд
Эмомалӣ Раҳмон: «Дар ҳафт соли охир беш аз 2600 корхонаи саноатӣ ба истифода дода шуд»
Бахшида ба Рӯзи геология дар Донишкадаи кӯҳию металлургии Тоҷикистон конференсияи байналмилалӣ баргузор гардид
