Дар ноҳияи Мастчоҳ ба ифтихори Рӯзи Қувваҳои Мусаллаҳ афсарону сарбозони фаъолро ҳавасманд намуданд
ДУШАНБЕ, 23.02.2024 /АМИТ «Ховар»/. Дар Қасри фарҳанги ноҳияи Мастчоҳ бо иштироки афсарону сарбозони қисмҳои низомӣ ва фаъолону сокинони ноҳия 31-солагии таъсиси Қувваҳои Мусаллаҳи Ҷумҳурии Тоҷикистон ботантана таҷлил гардид. Дар ин хусус АМИТ «Ховар» бо истинод ба дафтари матбуоти Раиси ноҳияи Мастчоҳ хабар медиҳад.
Дар ҷамъомади идона Раиси ноҳияи Мастчоҳ ва муовини якуми Раиси вилояти Суғд иброз доштанд, ки ташкили Қувваҳои Мусаллаҳ дар қатори муваффақияти дигари даврони соҳибистиқлолии Ватани маҳбубамон дастоварди муҳими давлатсозӣ ва таҳкими истиқлол буда, тавассути он ҳифзи тамомияти арзии давлат ва сулҳу ваҳдати миллӣ имконпазир гардид. Ҳамаи мо масъул ва вазифадор ҳастем, ки ҷиҳати омода намудан ва камолоти ҷавонон барои хизмати ҳарбӣ ва тақвияти пойгоҳи моддию маънавии қисмҳои низомӣ ҳамеша ба таври шоиста саҳм гузорем.
Дар ҷамъомад аз ҷониби Раиси ноҳияи Мастчоҳ як зумра кормандони мақомоти ҳифзи ҳуқуқу тартибот, комиссариати ҳарбӣ, афсарону сарбозон ва роҳбарони ташкилоту муассисаҳо барои саҳми арзандаашон дар ҳифзи тартиботи ҷамъиятӣ, даъвати ҳарбӣ ва ҳифзи марзу буми мамлакат бо Сипосномаву медал ва туҳфаҳои хотиравӣ сарфароз гардонида шуданд.
Дар фарҷом аз ҷониби бахши фарҳанги ноҳия барномаи пурмуҳтавои консертӣ пешкаши ҳозирин гардид.
Инчунин бахшида ба таъсиси Қувваҳои Муссалаҳ Раиси ноҳия бо роҳбарони мақомоти ҳифзи ҳуқуқу тартиботи ноҳия ба қисми низомии Вазорати мудофиаи Ҷумҳурии Тоҷикистон, воқеъ дар ин ноҳия рафта, бо ҳайати шахсӣ ва афсарону сарбозон суҳбат намуд.
Раиси ноҳия аз садоқатмандию ҷонфидоии сарбозон ва афсарон ёдовар шуда, иброз намуд, ки Артиши миллӣ аз ҷумлаи дастовардҳои арзишманду таърихии даврони соҳибистиқлолии ҷумҳурӣ ба шумор рафта, сипари давлат ва такягоҳи миллат маҳсуб мешавад. Хизмат дар сафи Артиши миллӣ шараф ва ифтихору нишонаи ҷавонмардӣ буда, барои тарбияи руҳию ҷисмонӣ ва сайқали тафаккури ҷавонон мактаби бузург аст.
АКС: дафтари матбуоти Раиси ноҳияи Мастчоҳ
Имсол дар Тоҷикистон чӣ қадар боғҳои нав бунёд гардиданд?
Дар шаҳри Норак ҳашари экологии «Тозагии обанбор» баргузор гардид
Имрӯз дар Тоҷикистон ҳаво то 32 дараҷа гарм мешавад
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
