Мактабҳои шаҳри Душанбе ба баргузории Барномаи байналмилалии дастовардҳои таҳсилии хонандагон (PISA 2025) омода мешаванд
ДУШАНБЕ, 21.02.2024. /АМИТ «Ховар»/. Дар Китобхонаи миллии Тоҷикистон дар доираи Лоиҳаи «Кумаки Иттиҳоди Аврупо ба соҳаҳои маориф ва меҳнат дар Ҷумҳурии Тоҷикистон» вобаста ба омода намудани ҳамоҳангсозони мактабҳо барои баргузории Барномаи байналмилалии дастовардҳои таҳсилии хонандагон (PISA 2025) машварати омӯзишӣ доир шуд. Дар ин хусус ба АМИТ «Ховар» дар Маркази миллии тестии назди Президенти Ҷумҳурии Тоҷикистон хабар доданд.
Дар машварат директори Маркази миллии тестии назди Президенти Ҷумҳурии Тоҷикистон Сабзалӣ Ҷаъфарзода, муовини Вазири маориф ва илми Ҷумҳурии Тоҷикистон Зиёдулло Абдулзода, роҳбари Лоиҳаи «Кумаки Иттиҳоди Аврупо ба соҳаҳои маориф ва меҳнат дар Ҷумҳурии Тоҷикистон» Штефан Зиверт, коршиноси Лоиҳаи Иттиҳоди Аврупо Айгул Казжанова, намояндагони Вазорати маориф ва илм ва директорони муассисаҳои таълимии таҳсилоти умумии асосӣ ва миёнаи умумии ноҳияҳои Шоҳмансур ва Фирдавсии шаҳри Душанбе иштирок намуданд.
Таъкид шуд, ки иштироки Ҷумҳурии Тоҷикистон дар PISA 2025 барои арзёбии сифати таҳсил дар асоси муносибати босалоҳият, ислоҳоти соҳаи маориф, ҷорӣ намудани низоми самараноки таълим, механизмҳои институтсионалии арзёбӣ, ки дар Стратегияи миллии рушди маорифи Ҷумҳурии Тоҷикистон барои давраи то соли 2030 амалӣ мешаванд, хубу натиҷаовар аст.
Тибқи нақша, аз 22 апрел то 11 майи соли 2024 озмоиши маҳаллии Лоиҳаи татбиқи PISA 2025, инчунин соли 2025 таҳқиқоти асосӣ бо иштироки ҳамаи мактабҳои шаҳри Душанбе гузаронида мешавад.
Вазорати маориф ва илм тасмим гирифтааст, ки дар баргузории PISA 2025 иштирок намуда, натиҷаи ин таҳқиқотро барои беҳбуд бахшидан ба соҳаи маориф истифода намояд.
Дар идомаи машварат ҳамчунин дар бораи таҷриба ва натиҷаҳои иштироки Ҷумҳурии Қазоқистон дар барномаҳои байналмилалии арзёбии сифати таҳсилот, ҳамоҳангсозони воситаҳои арзёбӣ ва тартиби баргузории таҳқиқоти PISA ва мавзуъҳои ба лоиҳа дахлдор сухан гуфта шуд.
Баъди ба итмом расидани суханрониҳо бо омӯзгороне, ки дар машварат иштирок доштанд, барои дар сатҳи баланд гузаронидани озмоиши маҳаллии PISA 2025 бо иштироки хонандагон дар муасcисаҳои таълимии таҳсилоти умумии асосӣ ва миёнаи умумии ноҳияҳои Шоҳмансур ва Фирдавсии шаҳри Душанбе кори амалӣ гузаронида шуд.
Бояд гуфт, ки Тоҷикистон (шаҳри Душанбе) маротибаи аввал дар таҳқиқоти PISA иштирок менамояд ва Маркази миллии тестии назди Президенти Ҷумҳурии Тоҷикистон масъули гузаронидани PISA 2025 таъйин шудааст.
Чунин машварат барои омӯзгорони муассисаҳои таълимии таҳсилоти умумии асосӣ ва миёнаи умумии ноҳияҳои Исмоили Сомонӣ ва Синои шаҳри Душанбе низ баргузор мегардад.
АКС: Маркази миллии тестии назди Президенти Ҷумҳурии Тоҷикистон
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
