Мураббиёну донишҷӯёни Донишкадаи тарбияи ҷисмонӣ дар мусобиқаҳои ҷумҳуриявию байналмилалӣ соҳиби 265 ҷойи ифтихорӣ гардиданд
ДУШАНБЕ, 08.02.2024. /АМИТ «Ховар»/. Варзишгарони Донишкадаи тарбияи ҷисмонии Тоҷикистон ба номи Саидмуъмин Раҳимов дар мусобиқаҳои шаҳриву ҷумҳуриявӣ ва байналмилалӣ фаъолияти назаррас нишон дода, 265 ҷойи ифтихорӣ ба даст оварданд. Аз ҷумла, 107 медал дар мусобиқаҳои шаҳрӣ, 112 медал дар мусобиқаҳои ҷумҳуриявӣ ва 46 медал дар мусобиқаҳои байналмилалӣ ба даст оварданд. Ин матлабро ректори донишкада Муҳаммадшо Абдуллозода имрӯз зимни нишасти матбуотӣ ба хабарнигорон баён дошт.
Ҳамзамон гуфта шуд, ки донишҷӯёни донишкада дар мусобиқаҳои байналмилалӣ 11 медали тилло, 16 нуқра ва 19 медали биринҷӣ ба даст оварданд.
Дастаи донишкада дар ҳайати 52 мураббию варзишгар аз рӯйи 5 намуди варзиш, аз қабили бокс, ҷудо, самбо, гӯштини тарзи озод ва шиноварӣ дар аввалин Фестивали байналмилалии варзиши донишгоҳӣ, ки аз 19 то 31 августи соли 2023 дар шаҳри Екатеринбурги Федратсияи Русия бо ҳайати дастаҳо аз давлатҳои аъзои Созмони ҳамкории Шанхай, Иттиҳоди давлатҳои Мустақил ва БРИКС баргузор гардид, иштирок намуд. Дар он ба гирифтани 3 медали тилло, 1 медали нуқра ва 4 медали биринҷӣ мушарраф гардид.
Инчунин дастаи ҷудочиён аз рӯйи 6 вазн қувваозмоӣ намуда, аз байни онҳо Абубакр Шеров сазовори медали тилло гардид. Ҳайати варзишии Тоҷикистон дар Фестивали байналмилалии варзишии донишгоҳӣ ба натиҷаҳои беҳтарин ноил шуда, ба даҳгонаи беҳтарин варзишгарон шомил шуд.
Зарангези ЛАТИФ,
АМИТ «Ховар»
АКС: АМИТ «Ховар»
Душанбе мизбони мусобиқаҳои бонуфузи қитъавӣ – Ҷоми Осиё оид ба ҷудо байни наврасон ва ҷавонон-2025 мегардад
Дастаи мунтахаби Тоҷикистон дар бозии даври панҷуми марҳилаи интихобии Ҷоми Осиё-2027 дастаи Тимори Шарқиро мағлуб намуд
Дастаи наврасони Тоҷикистон (U-15) дар бозии санҷишӣ дастаи мунтахаби Русияро мағлуб кард
Горан Стеванович: «Мо ба шаҳри Дарвин барои ба даст овардани се имтиёз омадаем»
Варзишгари тоҷик Шаҳром Маҳмуродов дар Чемпионати ҷаҳон оид ба ҷиу-ҷитсу соҳиби медали тилло гардид
Донишҷӯи тоҷик дар мусобиқаи варзишӣ дар Донишгоҳи Кувайт сазовори ҷойи якум гардид
ҶОМИ ОСИЁ-2027. Дастаи мунтахаби Тоҷикистон дар бозӣ бо Тимори Шарқӣ бо либосҳои сафед ба майдон мебарояд
Бахшида ба Рӯзи Президент дар деҳаи Андарбаки ноҳияи Ванҷ толори муосири варзишӣ ба истифода дода шуд
Дар Хуҷанд мусобиқаи кушоди вилоятӣ оид ба бокс оғоз гардид
ҶОМИ ОСИЁ-2026. Рақибони дастаи мунтахаби Тоҷикистон оид ба футзал муайян шуданд
ҶОМИ ҶАҲОН-2025. Имрӯз дастаи мунтахаби наврасони Тоҷикистон (U-17) бо дастаи Буркина-Фасо бозӣ мекунад
Ҳайати дастаи мунтахаби Тоҷикистон барои бозии интихобии Ҷоми Осиё-2027 ба муқобили дастаи Тимори Шарқӣ муайян гардид
