НИШАСТИ МАТБУОТӢ. Аз ҷониби Палатаи ҳисоби Тоҷикистон зиёда аз 398 миллион сомонӣ маблағи қоидавайронкунии молиявӣ барқарор гардид
ДУШАНБЕ, 14.02.2024 /АМИТ«Ховар»/. Соли 2023 зимни гузаронидани 166 чорабинии аудиторӣ аз ҷониби Палатаи ҳисоби Ҷумҳурии Тоҷикистон дар вазорату идораҳо, марказ ва гурӯҳҳои татбиқи лоиҳаҳои сармоягузорӣ, бонкҳо, субъектҳои хоҷагидорӣ ва дигар муассисаҳои буҷетӣ ба маблағи 405 миллиону 600 ҳазор сомонӣ қоидавайронкунии молиявӣ муайян гардид, ки нисбат ба ҳамин давраи соли 2022 28 миллиону 800 ҳазор сомонӣ зиёд мебошад. Дар ин хусус имрӯз зимни нишасти матбуотӣ Раиси Палатаи ҳисоби Ҷумҳурии Тоҷикистон Қарахон Чиллазода ба хабарнигорон иттилоъ дод.
Номбурда иброз намуд, ки аз маблағи умумии қоидавайронкунии молиявии муайянгардида хароҷоти ғайриқонунии пулию молӣ 39,8 млн сомонӣ, камомад ва тасарруфи воситаҳои пулию молӣ 8,1 млн сомонӣ, изофанависӣ дар корҳои таъмиру сохтмон 29,6 млн сомонӣ, талафот аз фурӯш ва иҷораи амволи давлатӣ 1 млн сомонӣ, талафи воситаҳои пулию молӣ 38,1 млн сомонӣ, маблағҳои камҳисобгардида ва рӯйпӯшнамудаи андозҳо 81,1 млн сомонӣ, пардохти ҳатмӣ ва дигар пардохтҳо ба буҷети давлатӣ 188,3 млн сомонӣ ва пардохт накардани суди саҳмияҳои ба давлат тааллуқдошта 19,5 млн сомониро ташкил медиҳад.
«Оид ба бартараф намудани камбудию норасоиҳои муайянгардида тадбирҳои мушаххас андешида шуда, қоидавайронкунии молиявӣ ба маблағи 398 миллиону 500 ҳазор сомонӣ, аз ҷумла ба буҷети давлатӣ 310 миллион сомонӣ, ба корхонаҳо 41 миллиону 300 ҳазор сомонӣ ва тавассути мақомоти ҳифзи ҳуқуқ 47 миллиону 200 ҳазор сомонӣ барқарор шуд. Ин 98,2 фоизи маблағи умумиро ташкил медиҳад»,- афзуд Раиси Палатаи ҳисоб.
Раъно НУСРАТУЛЛО,
АМИТ «Ховар»
АКС: АМИТ «Ховар»
«ДУШАНБЕ-КУЛМА». Бо кумаки молиявии Чин яке аз мушкилтарин қитъаҳои ин шоҳроҳ — «Қалъаихумб-Ванҷ-Рӯшон» таҷдид мегардад
Чин дар ҷануби Тоҷикистон неругоҳҳои офтобӣ ва шамолӣ месозад
Эмомалӣ Раҳмон: «Бунёду таҷдиди роҳ дар минтақаи «Қалъаихумб – Ванҷ – сарҳади ноҳияи Рӯшон» долони транзитии «Чин-Тоҷикистон-Узбекистон-Туркманистон-Эрон-Туркия»-ро такмил хоҳад бахшид»
Пешвои миллат: «Тоҷикистон аз иштироки фаъолонаи соҳибкорони Чин ҷиҳати бунёди паркҳои саноатӣ, ҷалби технологияҳои нав ва истеҳсолоти калонҳаҷми муштарак истиқбол хоҳад кард»
Эмомалӣ Раҳмон: «Чин аз шарикони муҳимтарини тиҷоратии Тоҷикистон боқӣ мемонад»
ЗАРДОЛУИ ТОҶИКИСТОН. Содироти ин мева сол то сол меафзояд
Дар Душанбе ҳамкории Тоҷикистон ва Хазинаи байналмилалии асъор баррасӣ гардид
Дар Душанбе вохӯрии вазирони молияи Тоҷикистону Қирғизистон доир шуд
ЧИН — ШАРИКИ БОЭЪТИМОДИ ТОҶИКИСТОН. Дар ҷумҳурӣ беш аз 700 ширкат бо сармояи чинӣ фаъолият дорад
ТАЪМИНИ АМНИЯТИ ОЗУҚАВОРӢ. Кишоварзони ноҳияи Бобоҷон Ғафуров дар майдони 4 ҳазор гектар кишти такрорӣ мегузаронанд
Вазири молия: «Нишондиҳандаҳои рушди иҷтимоию иқтисодии Тоҷикистон тамоюл ба самти рушди мусбӣ доранд»
Ҳайати соҳибкорони Шоҳигарии Арабистони Саудӣ ба Тоҷикистон меояд
