НИШАСТИ МАТБУОТӢ. Ба ифтихори ҷашни 35-солагии Истиқлоли давлатӣ дар ноҳияи Варзоб 158 иншоот ба истифода дода мешавад
ВАРЗОБ, 09.02.2024. /АМИТ «Ховар»/. Сокинони ноҳияи Варзоб ҷиҳати дар сатҳи баланд пешвоз гирифтани ҷашни 35-солагии Истиқлоли давлатии Ҷумҳурии Тоҷикистон сохтмони 158 иншоотро ба нақша гирифтаанд, ки то имрӯз 46 иншооти гуногуни ҷашнӣ бо шумораи 96 ҷойи кори доимӣ мавриди баҳрабардорӣ қарор дода шудааст. Дар айни замон сохтмони 49 иншооти дигар идома дорад. Дар ин хусус имрӯз зимни нишасти матбуотӣ Раиси ноҳияи Варзоб Хусрав Дамонзода ба хабарнигорон иттилоъ дод.
Ба иттилои раиси ноҳияи Варзоб, имрӯзҳо сохтмони бинои иловагии муассисаҳои таълимии деҳаҳои Шаршара, Қулписта ва Суғдиёни Ҷамоати деҳоти Айнӣ, бинои муассисаҳои таълимии деҳаи Фанфароқ ва Дашти Ринҷонии Ҷамоати деҳоти Варзоб-Қалъа ва дар маҷмуъ зиёда аз 70 синфхонаи иловагӣ дар ноҳияи Варзоб идома дорад, ки дар доираи ҷашни бузурги миллӣ- 35-солагии Истиқлоли давлатӣ ба истифода дода мешаванд.
Дар нишаст гуфта шуд, ки вобаста ба рушди соҳаи сайёҳӣ дар ноҳияи Варзоб 1000 минтақаи истироҳатӣ сабт шудааст. Фаъолияти 110 минтақаи истироҳатии оммавӣ мавсимӣ буда, фаъолияти минтақаҳои истироҳатии «Кохи Малика», «Варзоб-Палас», «Гулобод», «Гули майда» ва Комплеси лижаронии «Сафеддара» доимӣ мебошад. Дар онҳо барои қабули сайёҳон тамоми шароит фароҳам оварда шуда, мунтазам фаъолият доранд. Мувофиқи маълумоти оморӣ, соли 2023 90 ҳазору 565 сайёҳи дохилию хориҷӣ минтақаҳои истироҳатӣ ва мавзеъҳои таърихии ноҳияи Варзобро тамошо намудаанд, ки нисбат ба ҳамин давраи соли гузашта 49 ҳазору 908 нафар зиёд мебошад.
Субҳониддини МАҲМУД,
АМИТ «Ховар»
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар ноҳияи Спитамен бинои нави муассисаи таълимӣ бунёд мешавад
СОЛҲОИ РУШДИ САНОАТ. Дар шаҳри Гулистон сохтмони корхонаҳои саноатӣ вусъат меёбад
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон корхонаи истеҳсоли газоблок бунёд мешавад
Рустами Эмомалӣ бинои нави маъмурии Нозироти андоз дар ноҳияи Шоҳмансури шаҳри Душанберо мавриди истифода қарор доданд
Пешвои миллат Эмомалӣ Раҳмон дар шаҳри Душанбе Корхонаи заргарии ҶДММ Ширкати кӯҳӣ-саноатии Тоҷикистону Чинро ифтитоҳ намуданд
Президенти Тоҷикистон Эмомалӣ Раҳмон дар шаҳри Душанбе бинои маъмурии шуъбаи маориф ва пойгоҳи №1-и Муассисаи давлатии маркази шаҳрии «Ёрии таъҷилии тиббӣ»-ро ба истифода доданд
Сарвари давлат Эмомалӣ Раҳмон дар шаҳри Душанбе Корхонаи дӯзандагии ҶДММ «Гардӣ»-ро мавриди баҳрабардорӣ қарор доданд
Сарвазири Тоҷикистон Қоҳир Расулзода дар шаҳри Кӯлоб, ноҳияҳои Восеъ ва Балҷувон иншооти таъйиноти гуногунро ба истифода дод
Дар шаҳри Ҳисор Маркази забономӯзии «FARDO SCHOOL» ифтитоҳ ёфт
Дар ноҳияи Ванҷ сохтмони чор муассисаи таҳсилоти томактабӣ идома дорад
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон меҳмонхонаи «Хуҷанд» навсозӣ мегардад
35-СОЛАГИИ ИСТИҚЛОЛИ ДАВЛАТӢ. Роҳҳои маҳаллаҳои шаҳри Хуҷанд мумфарш карда мешаванд
