НИШАСТИ МАТБУОТӢ. Палатаи ҳисоби Тоҷикистон бо 12 мақомоти олии аудити давлатии ҷаҳон ҳамкорӣ дорад
ДУШАНБЕ, 16.02.2024 /АМИТ «Ховар»/. Палатаи ҳисоби Ҷумҳурии Тоҷикистон дар асоси созишнома бо мақомоти олии аудити давлатии Русия, Қазоқистон, Узбекистон, Молдова, Беларус, Латвия, Ҳиндустон, Эрон, Покистон, Афғонистон, Шоҳигарии Арабистони Саудӣ ва Чин ҷиҳати такмили идоракунии молияи давлатӣ ва тақвияти аудити берунии давлатӣ, ҷорӣ намудани усулҳои нави аудити молиявию самаранокӣ ва мутобиқгардонии заминаҳои меъёрии ҳуқуқии соҳавӣ ба стандартҳои байналмилалӣ ҳамкории судманд дорад. Дар ин хусус 14 феврал зимни нишасти матбуотӣ Раиси Палатаи ҳисоб Қарахон Чиллазода хабар дод.
Гуфта шуд, ки соли 2023 23 корманди Палатаи ҳисоб дар чандин даврҳои омӯзишӣ дар Ҳиндустон, Индонезия, Ветнам, Фаронса, Шоҳигарии Норвегия ва Чин иштирок намуда, донишашонро такмил доданд.
Ҳамчунин дар доираи ҳамкорӣ бо Ташкилоти рушди ИНТОСАЙ, ки Палатаи ҳисоби Ҷумҳурии Тоҷикистон ба гурӯҳи Ташаббуси ҷаҳонии ҳисоботдиҳии мақоми олии аудит ворид гардидааст, барои давраи солҳои 2023-2025 Созишномаи ҳамкорӣ ба имзо расидааст.
ИНТОСАЙ (INTOSAI) ташкилоти байналмилалии худмухтор, мустақил, ғайрисиёсӣ ва ғайридавлатӣ буда, ҳамчун ташкилоти доимамалкунанда барои мубодилаи донишу малака ва таҷриба дар соҳаи аудити берунӣ байни мақомоти олии назорати молиявӣ дар саросари ҷаҳон фаъолият менамояд.
Мақсади асосии ИНТОСАЙ – ин таъмин намудани аудиторон- аъзои ин ташкилот бо мубодилаи иттилооти мавриди таваҷҷуҳи тарафайн, маълумот оид ба рушди муосир дар фаъолияти аудиторӣ, истифодаи стандартҳои касбӣ ва методология ба ҳисоб меравад.
Раъно НУСРАТУЛЛО,
АМИТ «Ховар»
АКС: АМИТ«Ховар»
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
Тоҷикистон ҷонибдори тақвияти ҳамкорӣ дар соҳаи саноат дар Иттиҳоди Давлатҳои Мустақил мебошад
Байни минтақаҳои озоди иқтисодии «Суғд»-и Тоҷикистон ва «Воронеж»-и Русия созишномаи ҳамкорӣ ба имзо расид
Дар Душанбе ҷаласаи мутахассисони мақомоти омори давлатҳои аъзои Иттиҳоди Давлатҳои Мустақил доир гардид
Дар Душанбе татбиқи лоиҳаҳои муштараки иқтисодии Тоҷикистон бо Бонки Олмонии рушд баррасӣ шуд
Ҷаласаи Шурои ҷамъиятӣ-машваратӣ доир ба фаъолияти гумрукӣ баргузор гардид
Хабарнигорони АМИТ «Ховар» бо фаъолияти Минтақаи озоди иқтисодии «Панҷ» шинос шуданд
Раванди татбиқи лоиҳаҳои сармоягузорӣ бо дастгирии молиявии Бонки Олмонии рушд баррасӣ гардид
