Сӯхтори ҷангал дар Техас дар таърихи мушоҳидаҳои иёлат дуюмин бузургтарин гардид
ДУШАНБЕ, 29.02.2024 /АМИТ «Ховар»/. Яке аз сӯхторҳои ҷангал дар Техас (ИМА), дар минтақаи Хатчинсон беш аз 200 ҳазор гектарро фаро гирифт. Сӯхтори ҷангал, ки Smokehouse Creek номида мешавад, дуюмин бузургтарин сӯхтор дар таърихи мушоҳидаҳо дар Техас гардид, ки дар ин хусус шабакаи телевизионии CNN хабар додааст, иттилоъ медиҳад АМИТ «Ховар» бо истинод ба ТАСС.
Тибқи иттилоъ, сӯхтор то ҳол бартараф нашудааст ва эҳтимоли паҳншавии бештари он вуҷуд дорад. Сокинони минтақаҳои ҳамсоя тахлия шудаанд.
Тибқи маълумоти хадамоти хоҷагии ҷангали Техас, сӯхтори бузургтарин ҷангал дар мавзеи шаҳри Амарилло буд, ки соли 2006 он беш аз 360 ҳазор гектарро фаро гирифт.
28 феврал ҳокими Техас Грег Эббот бинобар сӯхторҳои табиӣ дар 60 минтақа вазъияти фавқулодда ҷорӣ намуд. Мувофиқи маълумоти хадамоти хоҷагии ҷангали Техас, бузургтарин сӯхтор дар минтақаи Хатчинсон сабт шудааст. Дар бораи захмиён маълумот дастрас нест. Бо сабаби паҳншавии сӯхторҳои табиӣ дар Техас корхонаи васли силоҳи ядроии Pantex фаъолияташро қатъ намудааст.
АКС аз манбаъҳои боз
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
