Саридораи геологияи Тоҷикистон бо 120 ширкат шартномаи истифодаи захираҳои табииро ба имзо расонид
ДУШАНБЕ, 03.02.2024 /АМИТ «Ховар»/. Дар асоси ҳисоботи аз экспертизаи давлатӣ гузашта дар Тоҷикистон захираҳои канданиҳои фоиданок, аз қабили тилло, нуқра, волфрам, сурма, нафт, гаҷсанг, мармар, оҳаксанг, хок, рег ва омехтаи регу шағал тасдиқ гардида, ба тарози давлатӣ гузошта шуданд. Дар ин давра Саридораи геология бо 120 ширкат шартномаи истифода бурдани захираҳои табиӣ ба имзо расонид. Дар ин хусус 30 январ зимни нишасти матбуотии Саридораи геологияи назди Ҳукумати Ҷумҳурии Тоҷикистон иттилоъ дода шуд.
Гуфта шуд, ки Саридораи геологияи назди Ҳукумати Ҷумҳурии Тоҷикистон соли 2023 омӯзиши геологии қаъри заминро тибқи «Барномаи давлатии рушди соҳаи геологияи Ҷумҳурии Тоҷикистон барои солҳои 2021-2030» амалӣ намуд.
Мутахассисони Саридораи геологияи назди Ҳукумати ҷумҳурӣ соли 2023 корҳои омӯзиши геологиро аз ҳисоби маблағҳои буҷети давлатӣ аз рӯи 29 лоиҳа ба маблағи беш аз 17 миллион сомонӣ дар объектҳои металлҳои сиёҳ, ранга, қиматбаҳо, нодир, сангҳои худҷило ва ороишӣ, гидрогеология, геологияи муҳандисӣ ва геоэкология гузарониданд, ки нисбат ба соли 2022 беш аз 1 миллион сомонӣ зиёд буда, суръати афзоиш 107 фоизро ташкил медиҳад.
Дар ин давра тибқи дархост ва нақша дар 571 деҳаи ҳудуди шаҳру ноҳияҳои тобеи ҷумҳурӣ, Вилояти Мухтори Кӯҳистони Бадахшон, вилоятҳои Хатлону Суғд таҳқиқоти муҳандисиву геологӣ гузаронида шуд. Дар натиҷа ба 343 хоҷагӣ барои аз ҷойҳои хавфнок ба ҷойи бехавф кӯчидан пешниҳод манзур гардид.
Дар Шурои илмӣ-техникии Саридора 112 мавод, аз ҷумла 47 лоиҳа ва 65 ҳисобот баррасӣ гардид.
АКС: АМИТ «Ховар»
Дар Душанбе татбиқи лоиҳаҳои муштараки сармоягузорӣ бо MCDF баррасӣ шуд
Вазирони нақлиёти Тоҷикистон ва Корея тақвияти ҳамкориро дар соҳаи нақлиёт ва роҳи оҳан баррасӣ намуданд
Байни Агентии содироти Тоҷикистон ва Агентии рушди тиҷорат ва сармоягузории Корея Ёддошти тафоҳуми ҳамкорӣ ба имзо расонида шуд
Байни Тоҷикистон ва Корея Ёддошти тафоҳум оид ба ҳамкорӣ дар соҳаи энергетика ба имзо расонида шуд
Байни Вазорати молияи Тоҷикистон ва ширкати «Oppenheimer & Co. Inc.» Ёддошти тафоҳум оид ба ҳамкорӣ ба имзо расид
Тоҷикистон ва Корея ҳамкории гумрукиро густариш медиҳанд
Робитаҳои тиҷоратию иқтисодии Тоҷикистон ва Корея тақвият меёбанд
Дастовардҳои Тоҷикистон дар самти рушди устувори иқтисодӣ дар шаҳри Лондон муаррифӣ гардиданд
Тоҷикистон ҳамкориро бо ширкати SK Specialty-и Корея оид ба коркард ва истеҳсоли волфрам тақвият медиҳад
Самтҳои стратегии Маркази ҳамкории бисёрҷониба оид ба маблағгузории рушд барои солҳои 2027-2031 муаррифӣ гардид
ТАҲКИМИ БЕХАТАРИИ САНОАТӢ ВА РУШДИ УСТУВОР. Эҳдо ба 35-солагии Истиқлоли давлатии Тоҷикистон
Кишоварзони Тоҷикистон имсол кишти такрориро аз нақша барзиёд иҷро намуданд
