«ШАҲРИ МАН – ХОНАИ МАН». Дар Душанбе беш аз 800 арчаи ҳамешасабз ва дарахти сояафкан шинонида шуд
ДУШАНБЕ, 16.02.2024 /АМИТ «Ховар»/. 16 феврал кормандони Кумитаи иҷроияи Ҳизби Халқии Демократии Тоҷикистон дар шаҳри Душанбе ва сохторҳои ноҳиявии он бо ҷалби аъзои Ташкилоти ҷамъиятии ҷавонон «Созандагони Ватан» ва кумитаю ташкилоти ибтидоии ҳизбии пойтахт дар шаҳраки 23-и ноҳияи Фирдавсӣ, кӯчаи Айнии ноҳияи Шоҳмансур ва кӯчаи Исмоили Сомонии ноҳияи Сино беш аз 800 бех ниҳоли ҳамешасабз шинониданд. Дар ин хусус ба АМИТ «Ховар» дар Кумитаи иҷроияи Ҳизби Халқии Демократии Тоҷикистон дар шаҳри Душанбе хабар доданд.
Дар ин маърака роҳбарияти Кумитаи иҷроияи Ҳизби Халқии Демократии Тоҷикистон дар шаҳри Душанбе, кумитаҳои иҷроияи ҳизб дар ин ноҳияҳо, Ташкилоти ҷамъиятии ҷавонон «Созандагони Ватан» ва Раёсати кор бо ҷавонон ва варзиши шаҳри Душанбе иштирок намуданд.
Дар раванди ниҳолшинонӣ ба интихоби навъҳои арча ва дарахтон бо назардошти хусусияти зебоибахшӣ ба шаҳраку маҳаллаҳо ва риояи қоидаҳои дурусти агротехникӣ таваҷҷуҳи асосӣ дода шуд, зеро риояи ин қоидаҳо асоси нашъунамои хуби минбаъдаи арчаҳои ҳамешасабз мебошад.
Шинонидан, нигоҳубин ва парвариши арчаҳои ҳамешасабз ва дарахтони ороишиву сояафкан анъана ва суннати неки ниёгонамон буда, кори савоб ва амали барои муҳити атроф судбор маҳсуб мешавад. Аз ин рӯ, дар шароити тағйирёбии иқлим барои нигоҳ доштани мувозинати табиат шинонидани арчаҳо кори муҳим арзёбӣ мешавад», — иброз доштанд масъулин.
Ёдовар мешавем, ки ташаббусҳои тозагиву хуррамгардонӣ ва ниҳолшинонӣ ҷиҳати иҷрои дастуру супоришҳои Пешвои муаззами миллат муҳтарам Эмомалӣ Раҳмон ва нақшаи чорабиниҳо оид ба густариши корҳои ободонӣ, тозагиву озодагӣ, ниҳолшинониву сабзкорӣ ва нигоҳдории майдончаҳои варзишии шаҳри Душанбе, ки аз ҷониби Раиси шаҳри Душанбе муҳтарам Рустами Эмомалӣ 17 январи соли 2024 тасдиқ гардид, амалӣ мешаванд ва дар доираи ҳашари умумишаҳрии ҳизбиён таҳти шиори «Шаҳри ман – хонаи ман» то таҷлили 30-солагии Рӯзи таъсиси Ҳизби Халқии Демократии Тоҷикистон идома меёбанд.
АКС: Кумитаи иҷроияи Ҳизби Халқии Демократии Тоҷикистон дар шаҳри Душанбе
СИЁСАТИ НИҲОЛШИНОНИИ ПЕШВОИ МИЛЛАТ. Яке аз сабабҳои зиёд омадани селобҳои зиёд нестшавии дарахтон дар кӯҳҳову баландиҳои назди маҳалҳои зист мебошад
«БА ДАРАХТОН ОБ ДИҲЕД!». Таҳти ин унвон Кумитаи иҷроияи Ҳизиб Халқии Демократии Тоҷикистон дар ноҳияи Сино маъракаи ҳизбӣ мегузаронад
Зиёда аз 4 ҳазор дарахтони ороишию мевадиҳандаи боғи навбунёди ноҳияи Мурғоб зимистони сардро бе зарар гузарониданд
Дар Боғи «Ирам» намоишгоҳи ҷумҳуриявии хайриявии гулу растанӣ баргузор шуд
Пешвои миллат Эмомалӣ Раҳмон дар шаҳри Пистояи Италия бо таҷрибаи пешқадами ниҳолпарварӣ ва сабзгардонии муҳити зист шинос гардиданд
ДАРАХТ БИНШОН! Дар Мастчоҳ беш аз 4000 бех ниҳоли ороишиву ҳамешасабз ва мевадиҳанда шинонида мешавад
ДАРАХТ БИНШОН! Дар ноҳияи Лахш 1200 бех ниҳоли мевадиҳанда ва ҳамешасабзу ороишӣ шинонида шуд
ДАРАХТ БИНШОН! Дар шафати шоҳроҳи Ваҳдат-Норак беш аз 1500 бех ниҳоли дарахти санавбар шинонида шуд
ДАРАХТ БИНШОН! Дар ноҳияи Хуросон тадбирҳои ниҳолшинонӣ анҷом дода шуд
ДАРАХТ БИНШОН! Имсол дар ноҳияи Шуғнон 3 ҳазор бех дарахтони сояафкану ороишӣ ва мевадор мешинонанд
ДАРАХТ БИНШОН! Дар кӯчаи Сирдарёи шаҳри Хуҷанд 150 бех ниҳоли дарахтони ҳамешасабз ва ороишӣ шинонида шуд
Дар Вилояти Мухтори Кӯҳистони Бадахшон 150 ҳазор бех ниҳолҳои сояафкану ороишӣ ва мевадиҳанда шинонида мешаванд
