Соли 2023 ташкилоти қарзии молиявӣ дар минтақаи Кӯлоб ба мизоҷон 1,2 млрд сомонӣ қарз пешниҳод намуданд
ДУШАНБЕ, 01.02.2024. /АМИТ «Ховар»/. Ташкилоти қарзии молиявӣ дар минтақаи Кӯлоб соли 2023 ба мизоҷон ба маблағи 1,2 млрд сомонӣ қарз доданд, ки нисбат ба ҳамин давраи соли гузашта 310 миллион сомонӣ ё 34,1 фоиз зиёд мебошад. Дар ин хусус ба АМИТ «Ховар» мудири шуъбаи минтақавии Бонки миллии Тоҷикистон дар шаҳри Кӯлоб Алиаҳмад Юсуфзода зимни нишасти матбуотӣ иттилоъ дод.
Ҳамчунин гуфта шуд, ки дар шаҳру минтақаи Кӯлоб 46 филиал, аз ҷумла 27 филиали бонкӣ, 9 филиали ташкилоти амонати қарзии хурд, 3 филиали ташкилоти қарзии хурд, 6 фонди қарзии хурд, 1 филиали фонд ва 183 маркази хизматрасонии ташкилоти қарзии молиявӣ фаъолият менамоянд.
Изҳор гардид, ки дар ташкилоти қарзии молиявии минтақаи Кӯлоб 1395 корманд фаъолият менамоянд, ки аз онҳо 442 нафар ё 32 фоизро занҳо ташкил медиҳанд. Шумораи занҳо нисбат ба ҳамин давраи соли гузашта 81 нафар зиёд мебошад.
Алиаҳмад Юсуфзода дар идомаи нишасти матбуотӣ гуфт, ки ҷиҳати иҷрои Фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркуниҳои ғайринақдӣ» аз 22 июни соли 2023 ситод ва гурӯҳи корӣ таъсис ёфт ва дар якҷоягӣ бо ташкилоти қарзии молиявӣ корҳои назаррас анҷом дода шуданд.
Аз ҷумла, 173 корхона ва муассисаи давлатӣ, ки хизматрасонии пулакӣ анҷом медоданд, аз ҷониби ташкилоти қарзии молиявии минтақаи Кӯлоб бо 349 терминали электронӣ ва 30 QR-рамзҳо таъмин гардиданд.
Соли 2023 ба 127 ҳазору 367 нафар кортҳои пардохтӣ тариқи ройгон пешниҳод шуданд, ки ин иқдом ҳоло ҳам идома дорад.
АКС: АМИТ «Ховар»
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
ҚУРБИ АСЪОР: 1 доллари ИМА аз 9.4800 то 9.4900 сомонӣ муқаррар шудааст
Зимни баргузории амалиёти назоратӣ дар Рашт 60 кабк ва як яроқи шикорӣ мусодира карда шуд
Татбиқи лоиҳаҳои сармоягузорӣ ва ҷалби сармояи Бонки Осиёии рушд ба иқтисоди Тоҷикистон муҳокима гардид
