Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд

Март 22, 2024 11:32

ДУШАНБЕ, 22.03.2024. /АМИТ «Ховар»/. Дар Донишгоҳи давлатии Кӯлоб ба номи Абуабдуллоҳи Рӯдакӣ мулоқоти сардори Раёсати Вазорати корҳои дохилӣ дар вилояти Хатлон Шариф Назарзода бо донишҷӯёну устодон баҳри  шарҳу тавзеҳ додани нуктаҳои муҳими суханронии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки 9 марти имсол зимни мулоқот бо фаъолони ҷомеа ва ходимони дин баён дошта буданд, баргузор гардид, хабар медиҳад АМИТ «Ховар» бо истинод ба ин раёсат.

Мулоқот тариқи алоқаи видеоселектрӣ ҳамзамон дар Донишгоҳи давлатии технологӣ ва менеҷменти инноватсионии Кӯлоб, Коллеҷи тиббӣ ва Коллеҷи омӯзгории шаҳри Кӯлоб бо фарогирии 760 нафар  устодону донишҷӯён пахш гардид.

Сардори мақомоти корҳои дохилии вилоят Шариф Назарзода таъкид намуд, ки сиёсати давлатии ҷавонон яке аз самтҳои афзалиятноки Ҳукумати Ҷумҳурии Тоҷикистон эътироф гардидааст. «Вобаста ба ин барои баланд бардоштани савияи донишу маърифатнокии ҷавонон ва соҳибкасб гаштани онҳо якчанд барномаи мушаххас дар самти дастгирии ҷавонон қабул ва мавриди амал қарор дода шуд, ки метавонанд баҳри дастгирии ҳамаҷонибаи онҳо заминаи мусоид фароҳам оваранд. Аз ин лиҳоз ҷавононро мебояд қарзи шаҳрвандиашонро, ки маҳз таҳсили илму дониш, хизмат дар сафи Қувваҳои Мусаллаҳи мамлакат ва саҳм гузоштан дар пешравии ҷомеа мебошад, иҷро намуда, бо амалу рафтори намунавӣ шоистаи таҳсин ва ифтихори волидайну миллати тоҷик гарданд»,-баён дошт ӯ.

Шариф Назарзода доир ба иҷрои дастуру супоришҳои Пешвои миллат, ки дар ҷаласаи Шурои амният баён намуда буданд, ҳарф зада, доир ба масоили  пешгирии ҷинояткорӣ дар байни ҷавонон, мубориза бар зидди ҷиноятҳои террористиву экстремистӣ, бартарафнамоии омилҳои халалдоркунандаи тартиботу оромӣ, мусодираи маводи мухаддир, тарзи дуруст ва оқилонаи истифодаи шабакаҳои иҷтимоии интернетӣ ва натиҷаҳои фаъолияти оперативӣ-хизматии мақомоти милитсияи Хатлон сухан гуфт.

Таъкид гардид, ки танҳо насли донишманду босавод, дорои фарҳангу маданияти баланд ва зираку ҳушёр метавонад дар замони муосири ҷаҳонишавӣ давлату миллаташро аз хатарҳои имрӯза ҳифз намуда, баҳри рушду нумуъ ва ободу зебо гардонидани он бо талошу заҳматҳои шабонарӯзӣ саҳм гузорад. Ин аст, ки пайваста Пешвои муаззами миллат ба неруи созандаву бунёдкоронаи ҷавонон такя намуда, онҳоро насли ояндасози давлату миллат меноманд.

АКС: Раёсати Вазорати корҳои дохилӣ дар вилояти Хатлон

Март 22, 2024 11:32

Хабарҳои дигари ин бахш

Котиби Шурои амнияти Тоҷикистон Юсуф Раҳмон бо Котиби давлатии Шурои амнияти Ҷумҳурии Беларус Александр Волфович мулоқот намуд
Котиби Шурои амнияти Тоҷикистон бо Мушовири Шурои амнияти миллии Ҷумҳурии Ироқ мулоқот намуд
Дар вилояти Хатлон 128 ҳодисаи садамавии роҳу нақлиёт ба қайд гирифта шуд
Дар ҷаласаи Шурои вазирони мудофиаи давлатҳои аъзои СААД ҳамкорӣ дар соҳаи ҳарбӣ баррасӣ карда шуд
Котиби Шурои амнияти Тоҷикистон дар Вохӯрии 13-уми байналмилалии намояндагони баландмақоми бахши амният иштирок намуд
Аз 29 то 31 май дар Душанбе ҳаракати воситаҳои нақлиёт муваққатан маҳдуд карда мешавад
«ЗАМИН», «МАРЗ» ВА «ВАТАН» — УНСУРҲОИ МУҚАДДАС ВА ҲАЁТАН МУҲИМ. Ба Рӯзи Қӯшунҳои сарҳадӣ бахшида мешавад
Дар Бадахшон 31-солагии таъсиси Қӯшунҳои сарҳадӣ таҷлил гардид
Мубориза ба муқобили терроризми байналмилалӣ масъалаи афзалиятноки замони муосир аст
«КОРВОНИ ДИДОР». Модарон дар қисмҳои ҳарбӣ бо шароити хизмати фарзандон шинос мешаванд
Дар Душанбе ду далели вайрон намудани қоидаҳои истифодаи неруи барқ ошкор карда шуд
Дар Душанбе ҷаласаи Шурои роҳбарони ниҳодҳои амниятӣ ва хадамоти махсуси кишварҳои аъзои Иттиҳоди Давлатҳои Мустақил оғоз шуд