Дар Душанбе бахшида ба Рӯзи фарҳанг ва Наврӯзи байналмилалӣ ҳамоиши идона доир гардид
ДУШАНБЕ, 19.03.2024 /АМИТ «Ховар»/. Бахшида ба Рӯзи фарҳанг (20 март) ва ҷашни байналмилалии Наврӯз дар Донишкадаи санъати тасвирӣ ва дизайни Тоҷикистон ҳамоиши идона доир гардид, ки дар он оид ба ҳифзи арзишҳои фарҳангӣ, ҳавасманд намудани фарҳангиёни мамлакат ва дар маҷмуъ баланд бардоштани сатҳи фарҳангии ҷомеаи Тоҷикистон сухан гуфта шуд.
Тавре АМИТ «Ховар» хабар медиҳад, зимни ҳамоиш гуфта шуд, ки ин рӯз ба мулоқоти анънавии Президенти Тоҷикистон муҳтарам Эмомалӣ Раҳмон бо зиёиёни мамлакат иртибот дорад, ки ҳамасола дар арафаи ҷашни зебои баҳор — Наврӯзи байналмилалӣ доир мегардад.
Ҳамзамон гуфта шуд, ки дар ин сана дар ҷумҳурӣ дари биною кохҳои бузурги фарҳангӣ, ба монанди Китобхонаи миллӣ ва Осорхонаи миллӣ ба рӯи мардумамон боз гардиданд, ки бо бузургию сохти нотакрори меъморӣ дар миқёси давлатҳои Осиёи Марказӣ беназир ҳастанд. Ин ҳама нишонаи сиёсати фарҳангпарваронаи Президенти Ҷумҳурии Тоҷикистон муҳтарам Эмомалӣ Раҳмон дар мавриди ҳифз ва эҳёи арзишҳои миллӣ дар сарзамини тоҷикон мебошад.
Иброз гардид, ки ҷаҳонӣ шудани ҷашни байналмилалии Наврӯз низ аз мероси бойи таърихию фарҳангии халқи тоҷик дарак медиҳад. Дар таърихи фарҳанги мардуми тоҷик ҳеҷ анъана ва расму ойине чун ҷашни хуҷастапай ва фархундаи Наврӯз азизу арҷманд нест.
АКС: Донишкадаи санъати тасвирӣ ва дизайни Тоҷикистон
Имрӯз дар Душанбе намоиш-фурӯши китоб баргузор мегардад
Моҳи март дар Душанбе Фестивали «Сад ранги чакан» ва намоиш-фурӯши маҳсулоти нақшдӯзиву зардӯзии чаканӣ баргузор мешаванд
Ҳунармандони Театри давлатии академии калони Узбекистон ба номи Алишер Навоӣ ба Тоҷикистон меоянд
«САД РАНГИ ЧАКАН». Дар Исфара даври шаҳрии фестивали ҷумҳуриявӣ баргузор шуд
Дар муассисаҳои илмии Академияи миллии илмҳои Тоҷикистон 20 озмоишгоҳи замонавӣ ба истифода дода шуд
Донишҷӯёни тоҷики Донишкадаи умумирусиягии кинематографияи шаҳри Москва бо хобгоҳ ва стипендия таъмин карда мешаванд
НИШАСТИ МАТБУОТӢ. Донишкадаи давлатии санъати тасвирӣ ва дизайни Тоҷикистон бо 19 муассисаи таҳсилоти олии хориҷӣ ҳамкорӣ дорад
НИШАСТИ МАТБУОТӢ. Донишҷӯёни Консерваторияи миллӣ дар Озмуни ҷумҳуриявии «Тоҷикистон — Ватани азизи ман» соҳиби Шоҳҷоиза ва ҷойҳои намоён гардиданд
Агентиҳои иттилоотии Тоҷикистон ва Чин ба марҳалаи нави ҳамкорӣ ворид мешаванд
Таҳкими ҳамкорӣ дар самти дастгирии иттилоотӣ ва тарғиби сиёсати дӯстонаи Тоҷикистон ва Чин баррасӣ шуд
Ба бузургдошти мутафаккири барҷастаи тоҷик Абӯалӣ ибни Сино симпозиуми байналмилалӣ доир мешавад
Дар шаҳри Теҳрон «Шаби Тоҷикистон» баргузор гардид
