Дар Душанбе мулоқоти роҳбарони ниҳодҳои ҳолатҳои фавқулодаи Тоҷикистон ва Эрон оид ба масъалаи ҳифзи пиряхҳо баргузор мегардад
ДУШАНБЕ, 12.03.2024 /АМИТ «Ховар»/. Бо ташаббуси ҷониби Ҷумҳурии Тоҷикистон моҳи сентябри соли 2024 дар шаҳри Душанбе ҷаласаи роҳбарони ниҳодҳои ҳолатҳои фавқулодаи давлатҳои аъзои Шурои иҷроияи Маркази Осиё ва Уқёнуси Ором баҳри рушди мудирияти иттилоот барои хатари офатҳои табиӣ (APDIM) оид ба масъалаи ҳифзи пиряхҳо ва нимаи дуюми моҳи октябри соли 2024 вохӯрии роҳбарони хадамоти ҳолатҳои фавқулодаи давлатҳои аъзои Созмони ҳамкории иқтисодӣ гузаронида мешаванд. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
Ин тасмим зимни сафари ҳайати Тоҷикистон таҳти роҳбарии Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода ба Эрон барои шиносоӣ бо сохторҳои наҷоти Созмони миллии идораи Вазорати корҳои дохилии ин мамлакат ва мулоқот бо муовини раиси Ҷумҳурии Исломии Эрон доктор Манзур Маъун, вазири кишвари Ҷумҳурии Исломии Эрон, роҳбари Созмони миллии идораи офатҳои табиии Вазорати корҳои дохилии Ҷумҳурии Исломии Эрон, роҳбари созмони ҳавошиносии Ҷумҳурии Исломии Эрон, инчунин Дабири кулли Созмони ҳамкории иқтисодӣ ва Директори Маркази Осиё ва Уқёнуси Ором оид ба рушди иттилоот дар бораи офатҳои табиӣ гирифта шуд.
Зимни вохӯрӣ масъалаҳои ҳамкории минбаъда дар самти мубориза бар зидди абрҳои жоладор, огоҳкунии пешакӣ аз обхезӣ ва хокбориш, мудофиаи гражданӣ, ҳифзи аҳолӣ ва ҳудуд, омодагӣ ва такмили ихтисоси мутахассисони соҳавӣ ва дигар масоил дар самти фаъолияти хизматӣ мавриди баррасӣ қарор дода шуданд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Таҷрибаи ислоҳоти ҳуқуқии Тоҷикистон дар Форуми байналмилалӣ муаррифӣ карда шуд
Озмуни ҷумҳуриявии «Беҳтарин хизматчии давлатӣ аз ҳисоби занон» ҷамъбаст гардид
Дар Тоҷикистон кадом навъи бемории зуком хуруҷ намудааст?
Муовини Сарвазири Тоҷикистон дар конференсияи байналмилалӣ оид ба нақши зан дар Туркманистон иштирок намуд
«ХУШДОМАНИ БЕҲТАРИН». Дар Бадахшон даври вилоятии озмун ҷамъбаст гардид
Бахшида ба 31-солагии Ҳизби Халқии Демократии Тоҷикистон дар Душанбе ҳамоиши тантанавӣ доир шуд
ЭҲТИЁТ — НИМИ ҲАЁТ! Ҳангоми гарм кардани хонаҳо бо ангишт қоидаҳои истифодаи онро риоя намоед
РӮЗИ БАЙНАЛМИЛАЛИИ ҲУҚУҚИ ИНСОН. Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон ба ҳимояи ҳуқуқ ва озодиҳо равона шудааст
Форум оид ба натиҷаҳо ва устувории «Барномаи рушди тандурустӣ барои солҳои 2021-2025» доир карда шуд
Ба ифтихори Рӯзи таъсиси Ҳизби Халқии Демократии Тоҷикистон дар Рашт ҳамоиши тантанавӣ баргузор шуд
ҲИЗБИ ХАЛҚИИ ДЕМОКРАТИИ ТОҶИКИСТОН — АМАЛИСОЗАНДАИ ОРМОНҲОИ ХАЛҚ. Аз таъсиси он 31 сол сипарӣ гардид
ҲУҚУҚУ ОЗОДИҲОИ ИНСОН — АРЗИШИ ОЛӢ. Бардошт аз ҳамоиш бахшида ба Рӯзи ҳуқуқи инсон
