Дар Мақомоти Ваколатдор масъалаи таҳияи нақшаи амал барои пешгирии зӯроварӣ нисбат ба кӯдакон баррасӣ гардид
ДУШАНБЕ, 12.03.2024. /АМИТ «Ховар»/. Дар доираи амалисозии фаъолият дар самти ҳифзи ҳуқуқу озодиҳои кӯдакон дар Тоҷикистон Ваколатдор оид ба ҳуқуқи инсон дар Ҷумҳурии Тоҷикистон Умед Бобозода бо роҳбари Намояндагии Хазинаи кӯдакони Созмони Милали Муттаҳид дар Тоҷикистон Артур ван Дизен вохӯрӣ намуд, ки зимни он ҷонибҳо масъалаи таҳияи нақшаи амал барои пешгирии зӯроварӣ нисбат ба кӯдаконро баррасӣ намуданд, хабар медиҳад АМИТ «Ховар» бо истинод ба хадамоти матбуоти Ваколатдор.
Зимни вохӯрӣ Умед Бобозода оид ба фаъолият ва ҳамкории самарабахш бо Хазинаи кӯдакони Созмони Милали Муттаҳид ибрози назар намуда, гуфт, ки Ҷумҳурии Тоҷикистон барои иҷрои уҳдадориҳои байналмилалиаш дар самти ҳифзи ҳуқуқу озодиҳои кӯдак пайваста талош менамояд ва дар ин робита саҳми мақомоти Ваколатдор оид ба ҳуқуқи инсон муассир мебошад.
Таъкид гардид, ки ҳанӯз аз соли 2012 дар мақомоти Ваколатдор оид ба ҳуқуқи инсон воҳиди сохтории алоҳида – шуъбаи ҳифзи давлатии ҳуқуқҳои кӯдак ва соли 2016 вазифаи Ваколатдор оид ба ҳуқуқи кӯдак таъсис дода шуда, нақши Хазинаи кӯдакони Созмони Милали Муттаҳид дар таҳкими он назаррас мебошад.
Артур ван Дизен ҳамкориро дар самти ҳифзи ҳуқуқи кӯдак муҳим арзёбӣ намуда, ворид гардидани тағйиру иловаҳо ба қонунгузории миллӣ вобаста ба ҳифзи кӯдак, манъи зӯроварӣ нисбат ба кӯдак ва муроҷиати кӯдакро яке аз таҷрибаҳои муваффақона дар миқёси Осиёи Марказӣ номид.
Дар доираи мулоқот ҷонибҳо ҳамчунин масъалаҳои таҳкими хизматрасониҳо ба ҷабрдидагони зӯроварӣ, баргузории чорабиниҳои иттилоотӣ вобаста ба манъи зӯроварӣ нисбат ба кӯдакон, ҷамъоварии ахбору омор оид ба рушди кӯдак, баланд бардоштани маърифати ҳуқуқӣ дар доираи Соли маърифати ҳуқуқӣ (2024), амалисозии барномаҳои давлатӣ дар самти адлияи ноболиғон ва пешгирии ҳуқуқвайронкунӣ дар байни ноболиғон, татбиқи Стратегияи миллии ҳифзи ҳуқуқи инсон дар Ҷумҳурии Тоҷикистон барои давраи то соли 2038, амалишавии қонунгузории зиддитабъизӣ ва дурнамои фаъолияти Ваколатдор оид ба ҳуқуқи кӯдак дар Ҷумҳурии Тоҷикистонро баррасӣ намуданд.
АКС: Хадамоти матбуоти Ваколатдор оид ба ҳуқуқи инсон дар Ҷумҳурии Тоҷикистон
«НАВРӮЗ — ИДИ ЗАНОНИ ВАҲДАТСАРО». Дар шаҳри Хуҷанд Форуми байналмилалии занон баргузор мегардад
Дар шаҳри Турсунзода Маркази саломатии деҳавии «Саркор» ба истифода дода шуд
Эмомалӣ Раҳмон: «Яке аз бузургтарин ҳикмати моҳи шарифи Рамазон ва иди саиди Фитр расидан ба қадри неъматҳо мебошад»
ОГОҲӢ. Хатари лағзиши тарма ва омадани сел дар роҳҳои кӯҳии Тоҷикистон то 31 март боқӣ мемонад
Барои пешгирии амалҳои коррупсионӣ бо кормандони соҳаи тандурустии шаҳри Роғун вохӯрӣ доир гардид
МАСЛИҲАТИ МУТАХАССИС. Барои пешгирии аллергия тарзи ҳаёти солимро бояд интихоб намуд
Табибони Тоҷикистону Чин ҳамкории илмию таълимиро тақвият мебахшанд
Дар ноҳияи Шамсиддини Шоҳин шуъбаи эндовидеоҷарроҳӣ ба истифода дода шуд
Аз 24 то 27 март дар Тоҷикистон ҳавои тағйирёбанда пешгӯӣ шуда, борон меборад
МАСЛИҲАТИ МУТАХАССИС. Сиёҳалафро барои муолиҷаи бемориҳои рӯда ва захми меъда истифода мебаранд
ТАШАББУСИ ШОИСТАИ ИНСОНДӮСТОНАИ ПЕШВОИ МИЛЛАТ. Андешаҳо дар ҳошияи Фармони Президенти Ҷумҳурии Тоҷикистон «Дар бораи бахшиши ҷазои шахсоне, ки ба маҳрум сохтан аз озодӣ маҳкум карда шудаанд»
Имрӯз дар асоси Фармони Президенти Тоҷикистон боз 697 нафар маҳбусон аз муассисаҳои ислоҳии ҷумҳурӣ озод карда шуданд
