Дар моҳи март сокинони Тоҷикистонро чӣ гуна ҳаво интизор аст?

Март 1, 2024 14:26

ДУШАНБЕ, 01.03.2024 /АМИТ «Ховар»/. Ҳавои моҳи марти соли 2024 ба ҳавои моҳи марти соли 2007 монанд мешавад. Ҳарорати миёнаи моҳонаи ҳаво дар ҳудуди меъёри иқлимӣ, дар баъзе ноҳияҳо аз меъёри иқлимӣ 1 дараҷа пасттар пешгӯӣ шуда, дар водиҳо 7+10 дараҷа гарм, дар ноҳияҳои доманакӯҳӣ 2+4 дараҷаро ташкил медиҳад. Давоми моҳ ҳавои тағйирёбанда пешгӯӣ шуда, дар баъзе ҳолатҳо бориш — дар водиҳо асосан борон, дар ноҳияҳои кӯҳӣ барф, дар  баъзе ҳолатҳо бошиддат меборад. Дар ин хусус ба АМИТ «Ховар» дар Агентии обуҳавошиносии Тоҷикистон хабар доданд.

Дар ин давра дар вилояти Хатлон ва водиҳои ноҳияҳои тобеи ҷумҳурӣ ҳарорати миёнаи моҳонаи ҳаво дар ҳудуди меъёри иқлимӣ, дар баъзе ноҳияҳо аз меъёри иқлимӣ 1 дараҷа пасттар пешгӯӣ шуда, дар водиҳо 8+10 дараҷа гарм, дар ноҳияҳои доманакӯҳӣ 4+7 дараҷаро ташкил медиҳад. Даҳаи аввали моҳ дар водиҳо ҳарорати рӯзонаи ҳаво 9+14 дараҷа гарм, шабона аз 2 дараҷа хунук то 3 дараҷа гармиро ташкил медиҳад. Дар ноҳияҳои доманакӯҳ рӯзона 4+9 дараҷа гарм, шабона 2-7 дараҷа хунук пешгӯӣ мешавад. Дар рӯзҳои боқимонда баландшавии ҳарорати ҳаво пешгӯӣ шуда, дар водиҳо рӯзона аз 12+17 то 20+25 ва шабона аз 2+7 то 8+13 дараҷа гармӣ пешгӯӣ мешавад.

Давоми моҳ ҳавои тағйирёбанда пешгӯӣ шуда, бориши зуд-зуд (дар водиҳо асосан борон) дар назар буда, дар баъзе ҳолатҳо бориши бошиддат мешавад. Рӯзҳои алоҳида раъду барқ ба амал омада, дар баъзе ноҳияҳо туман фаромада, шамол бо суръати то 12-17 метр дар як сония мевазад. Дар ноҳияҳои ҷанубӣ дар охири даҳрӯзаи аввал ба амал омадани чангу ғубор пешгӯӣ мешавад. Миқдори моҳонаи бориши атмосферӣ аз  меъёри иқлимӣ зиёд, дар баъзе ноҳияҳо ҳудуди меъёри иқлимӣ пешгӯӣ мешавад.

Дар вилояти Суғд ҳарорати миёнаи моҳонаи ҳаво дар ҳудуди меъёри иқлимӣ, дар баъзе ноҳияҳо аз меъёри иқлимӣ 1 дараҷа пасттар пешгӯӣ шуда, дар водиҳо 7+9 дараҷа гарм, дар ноҳияҳои кӯҳӣ аз 2 дараҷа хунук то 2 дараҷа гармиро ташкил медиҳад. Дар оғози даҳрӯзаи якуми моҳ дар водиҳо ҳарорати рӯзонаи ҳаво 6+11 дараҷа гарм, шабона аз 4 дараҷа хунук то 1 дараҷа гарм пешгӯӣ мешавад. Дар рӯзҳои боқимонда баландшавии ҳарорати ҳаво пешгӯӣ шуда, дар водиҳо рӯзона аз 10+15 то 16+21 дараҷа гарм ва шабона аз 0+5 то 3+8 дараҷа гарм  пешгӯӣ мешавад.

Давоми моҳ ҳавои тағйирёбанда пешгӯӣ шуда, дар баъзе ҳолатҳо бориш — дар водиҳо асосан борон, дар ноҳияҳои кӯҳӣ барф дар назар буда, баъзан бориши бошиддат ба амал меояд. Рӯзҳои алоҳида раъду барқ ба амал омада, дар баъзе ноҳияҳо туман мефарояд.

Дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон ҳарорати миёнаи моҳонаи ҳаво дар ҳудуди меъёри иқлимӣ, дар баъзе ноҳияҳо аз меъёри иқлимӣ 1 дараҷа пасттар пешгӯӣ шуда аз 1 дараҷа хунук то 5 дараҷа гармиро ташкил медиҳад. Давоми моҳ тағйирёбии ҳарорати ҳаво пешгӯӣ шуда, рӯзона аз 2+7 то 9+14 дараҷа гарм ва шабона 3-8  дараҷа хунук мешавад. Давоми моҳ ҳавои тағйирёбанда пешгӯӣ шуда, зуд-зуд борону барфи  бошиддат меборад.

Дар Шарқи Вилояти Мухтори Кӯҳистони Бадахшон ҳарорати миёнаи моҳонаи ҳаво дар ҳудуди меъёри иқлимӣ, дар баъзе минтақаҳо аз меъёри иқлимӣ 1 дараҷа пасттар пешгӯӣ шуда, 4-8 дараҷа хунукиро ташкил медиҳад. Дар нимаи аввали моҳ ҳарорати ҳаво паст шуда, рӯзона 4-9 ва шабона аз 20-25 то 12-17 дараҷа хунук мешавад. Дар рӯзҳои боқимондаи моҳ ҳарорати рӯзонаи ҳаво баланд шуда, аз 0-5 дараҷа хунук то 3+8 дараҷа гарм, шабона аз 6-11 то 2-7 дараҷа хунук мешавад.

Март 1, 2024 14:26

Хабарҳои дигари ин бахш

ҲАҶ ФАРЗ АСТ Ё ХУДНАМОЙИИ ҲОҶИЁН? Агар зоирон нисфи хароҷоти исрофкоронаашонро барои бунёди пул, ҳаммом, кандани ҷӯй сарф менамуданд, аҷру савоби бештар мегирифтанд
Дар шаҳри Хуҷанд клиникаи муосири оилавии муосири 1+1 ифтитоҳ гардид
«ВАССОФИ ВАТАН». Фестивал-озмуни тарғибгари дастовардҳои миллӣ оғоз гардид
СОЛИ МАЪРИФАТИ ҲУҚУҚӢ. Андешаҳо оид ба моҳияти фалсафии он
Дар Тоҷикистон соҳаи аритмиология рушд меёбад
«ОИЛАИ НАМУНАВӢ». Дар ноҳияи Дарвоз се оила сазовори ҷойҳои намоён шуданд
11 АПРЕЛ-РӮЗИ ҶАҲОНИИ МУБОРИЗА БО ПАРКИНСОН. Ин беморӣ чӣ тавр муолиҷа мешавад?
Дар шаҳри Гулистон ба баланд бардоштани тарбияи ватандӯстӣ ва маърифати ҳуқуқии ҷавонон аҳамияти хосса дода мешавад
Дар Кумитаи кор бо занон ва оилаи Тоҷикистон бо ҷавонони гуногункасб мулоқот доир шуд
КАСБОМӮЗИИ ҶАВОНОН — ТАҚОЗОИ ЗАМОН. Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони вилояти Суғд машварати корӣ доир намуданд
Сарвари давлат: «Нагузорем, ки шаҳрвандон ва фарзандонамон бозичаи дасти гурӯҳу қувваҳои манфиатҷӯ гарданд»