Дар Вилояти Мухтори Кӯҳистони Бадахшон 150 ҳазор бех ниҳолҳои сояафкану ороишӣ ва мевадиҳанда шинонида мешаванд
ДУШАНБЕ, 24.03.2024 /АМИТ «Ховар»/. Дар доираи вусъат бахшидани корҳои ободониву сабзазоркунӣ имсол дар тамоми қаламрави Вилояти Мухтори Кӯҳистони Бадахшон 150 ҳазор бех ниҳоли сояафкану ороишӣ ва мевадиҳанда шинонида мешавад. Дар ин хусус АМИТ «Ховар» бо истинод ба ин мақомоти иҷроияи ҳокимияти давлатии вилоят хабар медиҳад.
Дар маркази маъмурии вилоят- шаҳри Хоруғ бо иштироки Раиси вилоят маъракаи ниҳолшинонӣ оғоз гардид. Давоми як рӯз дар ҳудуди шаҳри Хоруғ зиёда аз 200 бех дарахтони ороишӣ шинонда шуданд.
Ниҳолҳои нахустин дар мавсими имсолаи ниҳолшинонӣ дар назди бозори «20- солагии Истиқлолият», боғи «Ғалаба», бинои боҳашамати театри вилоятӣ ва майдони Исмоили Сомонии шаҳри Хоруғ шинонида шуданд.
Раиси вилоят масъулини шаҳр ва идораҳоро вазифадор намуд, ки корҳои ободонӣ ва сабзазоркуниро тақвият бахшида, барои хуррамгардонии диёр аз тамоми имконият истифода баранд.
Ёдовар мешавем, ки Барномаи ҳукуматӣ оид ба кабудизоркунии мамлакат то соли 2040 қабул гардидааст, ки он бояд дар амал татбиқ гардад.
Бояд гуфт, ки Тоҷикистон яке аз ташаббускорони фаъол дар ҳалли масъалаҳои муҳим дар соҳаи об, экология ва тағйирёбии иқлим мебошад ва маъракаи ниҳолшинониву ободкорӣ таҷассуми воқеии амалҳо дар ҳалли мушкилоти ҷаҳонӣ мебошанд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
СИЁСАТИ НИҲОЛШИНОНИИ ПЕШВОИ МИЛЛАТ. Яке аз сабабҳои зиёд омадани селобҳои зиёд нестшавии дарахтон дар кӯҳҳову баландиҳои назди маҳалҳои зист мебошад
«БА ДАРАХТОН ОБ ДИҲЕД!». Таҳти ин унвон Кумитаи иҷроияи Ҳизиб Халқии Демократии Тоҷикистон дар ноҳияи Сино маъракаи ҳизбӣ мегузаронад
Зиёда аз 4 ҳазор дарахтони ороишию мевадиҳандаи боғи навбунёди ноҳияи Мурғоб зимистони сардро бе зарар гузарониданд
Дар Боғи «Ирам» намоишгоҳи ҷумҳуриявии хайриявии гулу растанӣ баргузор шуд
Пешвои миллат Эмомалӣ Раҳмон дар шаҳри Пистояи Италия бо таҷрибаи пешқадами ниҳолпарварӣ ва сабзгардонии муҳити зист шинос гардиданд
ДАРАХТ БИНШОН! Дар Мастчоҳ беш аз 4000 бех ниҳоли ороишиву ҳамешасабз ва мевадиҳанда шинонида мешавад
ДАРАХТ БИНШОН! Дар ноҳияи Лахш 1200 бех ниҳоли мевадиҳанда ва ҳамешасабзу ороишӣ шинонида шуд
ДАРАХТ БИНШОН! Дар шафати шоҳроҳи Ваҳдат-Норак беш аз 1500 бех ниҳоли дарахти санавбар шинонида шуд
ДАРАХТ БИНШОН! Дар ноҳияи Хуросон тадбирҳои ниҳолшинонӣ анҷом дода шуд
ДАРАХТ БИНШОН! Имсол дар ноҳияи Шуғнон 3 ҳазор бех дарахтони сояафкану ороишӣ ва мевадор мешинонанд
ДАРАХТ БИНШОН! Дар кӯчаи Сирдарёи шаҳри Хуҷанд 150 бех ниҳоли дарахтони ҳамешасабз ва ороишӣ шинонида шуд
ТАТБИҚИ БАРНОМАИ «МАМЛАКАТИ САБЗ». Дар шаҳрҳои Душанбе ва Ваҳдат 1500 бех ниҳол шинонида шуд
