Масъалаи зиёд намудани сармоягузорӣ ба татбиқи Неругоҳи барқи обии «Роғун» баррасӣ гардид
ДУШАНБЕ, 20.03.2024. /АМИТ «Ховар»/. Барои иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 19 марти соли 2024 тариқи видеоконфронс вохӯрии Вазири рушди иқтисод ва савдои Ҷумҳурии Тоҷикистон Завқӣ Завқизода бо Вазири молияи Подшоҳии Арабистони Саудӣ Муҳаммад Ал-Ҷадаан баргузор гардид, хабар медиҳад АМИТ «Ховар» бо истинод ба Вазорати рушди иқтисод ва савдои мамлакат.
Зимни вохӯрӣ ҷонибҳо ба масъалаи ҷалби сармоя барои сохтмони Неругоҳи барқи обии «Роғун» таваҷҷуҳи хосса зоҳир намуданд.
Иброз гардид, ки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба густариши ҳамкории мутақобилан судманд бо Подшоҳии Арабистони Саудӣ афзалияти аввалиндараҷа медиҳанд.
Вазири рушди иқтисод ва савдо аз Вазири молияи Подшоҳии Арабистони Саудӣ хоҳиш намуд, ки вобаста ба зиёд намудани маблағҳои Фонди Саудии Рушд барои татбиқи Неругоҳи барқи обии «Роғун», инчунин ҷудо намудани маблағҳои имтиёзноки Бонки Исломии Рушд ба ин лоиҳа мусоидат намояд.
Вобаста ба дархости ҷониби Тоҷикистон Вазири молияи Подшоҳии Арабистони Саудӣ омодагиашро баҳри корбарӣ намудан бо Фонди Саудии Рушд ва Бонки Исломии Рушд барои зиёд намудани маблағгузории имтиёзноки лоиҳаи Неругоҳи барқи обии «Роғун» баён дошт.
Иттилоъ дода шуд, ки ҳоло бо Фонди Саудии Рушд созишнома барои маблағгузории сохтмони Неругоҳи барқи обии «Роғун»» дар ҳаҷми умумии 100 миллион доллар ба имзо расонида шудааст. Бонки Исломии Рушд барои сохтмони ин иншоот 150 миллион доллар ҷудо намудааст.
АКС: Вазорати рушди иқтисод ва савдои Ҷумҳурии Тоҷикистон
Дар Душанбе Форуми байналмилалии саноати хӯрокворӣ баргузор мегардад
Дар Шанхай Форуми иқтисодию тиҷоратии вилояти Суғди Тоҷикистон доир шуд
НИШАСТИ МАТБУОТӢ. Дар марҳилаҳои якум, кассатсионӣ ва назоратии судҳои иқтисодии Тоҷикистон 2018 парванда баррасӣ гардид
Ҳайати Тоҷикистон дар ҳамоиши Шурои байнидавлатии ИДМ оид ба бехатарии саноатӣ иштирок намуд
Дар Душанбе даври омӯзишии минтақавӣ оид ба танзими бархӯрди манфиатҳо баргузор гардид
Ҳамкории Тоҷикистон бо Иттиҳоди байналмилалии алоқа оид ба рушди технологияҳои иттилоотию коммуникатсионӣ тавсеа меёбад
НИШАСТИ МАТБУОТӢ. «Амонатбонк» ба 27,8 ҳазор муштарӣ 1,2 миллиард сомонӣ қарз пешниҳод намуд
НИШАСТИ МАТБУОТӢ. Дар 37 ташкилоти минтақавии бақайдгирӣ харитаҳои кадастрӣ ҷорӣ карда шудаанд
Моҳи август Озмуни ҷумҳуриявии «Топ-35-шарики боэътимоди сол» баргузор мегардад
Дар Намоишгоҳи иқтисодии «Янлин» гӯшаи маҳсулоти кишоварзии Тоҷикистон ташкил гардид
Таваҷҷуҳи сайёҳон ба мавзеъҳои таърихии вилояти Хатлон бештар гардидааст
«IT HUB DUSHANBE». Бо бунёди ин маҷмаа Душанбе ба шаҳри интелектуалӣ, рақамӣ ва инноватсионии Осиёи Марказӣ табдил меёбад
