«НАВРӮЗ — МЕРОСИ ФАРҲАНГИЮ ҶАҲОНГАРДӢ». Табиати зебои Тоҷикистон дили меҳмонони хориҷиро тасхир намуд
ДУШАНБЕ, 23.03.2024 /АМИТ «Ховар»/. Дар доираи Фестивали байналмилалии «Наврӯз — мероси фарҳангию ҷаҳонгардӣ» аз ҷониби Кумитаи рушди сайёҳии назди Ҳукумати Ҷумҳурии Тоҷикистон барои ҳайкалтароши машҳури олмонӣ Бераҳна Массоум ва дигар меҳмонони хориҷӣ саёҳат ба мавзеъҳои таърихиву фарҳангии Тоҷикистон ташкил карда шуд. Дар ин хусус АМИТ «Ховар» бо истинод ба Кумитаи рушди сайёҳӣ хабар медиҳад.
Ҳайкалтароши машҳури олмонӣ бо дастгирии Сафорати Ҷумҳурии Тоҷикистон дар Олмон барои иштирок дар Фестивали байналмилалӣ даъват шудааст. Мавсуф ҳангоми тамошо аз Осорхонаи миллии Тоҷикистон бо адабиёт, таърихи давлатдорӣ ва фарҳанги қадимаи миллати тоҷик аз наздик шинос шуда, ин сафарашро ба Тоҷикистон хубу фаромӯшношуданӣ номид.
Мавсуф иброз дошт, ки ба тоҷикон, ки дорои таъриху фарҳанги бостонӣ мебошанду миллати хирадпешаанд, таваҷҷуҳи хосса дошта, аз дастоварду муваффақиятҳои онҳо дар бунёди Тоҷикистони соҳибистиқлол хушҳол аст.
Ҳамзамон дигар намояндаи хориҷӣ бо номи Кристиан Гросс (Christian Grosse), ки меҳмони ин фестивал буд ба тамошои ёдгориҳои таърихиву фарҳангии Тоҷикистон рафта, мафтуни ин зебогиҳо гардида, таассуроти рангинашро дар аксҳои бардоштааш инъикос кардааст. Номбурда изҳор намуд, ки ҳавои тоза, обҳои мусаффо ва мардуми меҳмоннавози Тоҷикистон, муҳаббати ӯро ба ин сарзамини ҳамешасабз боз ҳам афзун намудааст.
Ёдовар мешавем, ки 20 март дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид.
Фестивал соли шашум аст, ки бо дастгирии Ҳукумати мамлакат ба муносибати ҷашни байналмилалии Наврӯз гузаронида шуда, мақсади он муаррифии имконияти сайёҳӣ ва фарҳанги миллии тоҷикон ба сайёҳон мебошад.
София ШОИК,
АМИТ «Ховар»
АКС: Кумитаи рушди сайёҳии назди Ҳукумати Ҷумҳурии Тоҷикистон
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
