Ҷонибек Ҳикмат дар чорабинӣ бахшида ба Рӯзи байналмилалии «ҷаҳони бе партов» иштирок намуд
ДУШАНБЕ, 28.03.2024 /АМИТ «Ховар»/. Намояндаи доимии Тоҷикистон дар Созмони Милали Муттаҳид (СММ) Ҷонибек Ҳикмат дар чорабинии канорӣ, ки ба муносибати таҷлили Рӯзи байналмилалии «ҷаҳони бе партов» доир шуд, иштирок ва суханронӣ намуд. Дар ин хусус АМИТ «Ховар» бо истинод ба Намояндагии доимии Тоҷикистон дар Созмони Милали Муттаҳид хабар медиҳад.
Намояндаи доимии Тоҷикистон аҳаммияти ҳамкории муштарак, бахусус иҷрои уҳдадориҳои дастҷамъонаро, ки ба раванди татбиқи Рӯзномаи Ҳадафҳои рушди устувори соли 2030, Созишномаи Париж ва дигар абзори марбутаи глобалӣ равона гардидаанд, таъкид намуд.
Ҷонибек Ҳикмат оид ба дастовардҳо ва нақшаҳои Ҳукумат ва мақомоти марбутаи Тоҷикистон, аз ҷумла таъсиси корхонаҳои хурду бузурги коркарди партовҳо, коҳиш додани партовҳои пластикӣ, заминҳои танназулёфта, инчунин мушкилиҳои мавҷудаи мамлакат дар ин самтҳо маълумот дод.
Дар фарҷоми суханронӣ Ҷонибек Ҳикмат бори дигар омодагии Тоҷикистонро барои ҳамкорӣ бо ҳамаи ҷонибҳои манфиатдор дар таъмини ҷомеаи устувор, тобовар ва фарогир изҳор намуд.
Чорабинӣ аз ҷониби Намояндагии доимии Туркия, Барномаи Созмони Милали Муттаҳид оид ба муҳити зист (UNEP) ва Барномаи Созмони Милали Муттаҳид оид ба минтақаҳои аҳолинишин (UN-Habitat) ташкил шуд.
АКС: Намояндагии доимии Тоҷикистон дар Созмони Милали Муттаҳид
Масъалаи ифтитоҳи хонаҳои тиҷоратӣ дар Тоҷикистону Кореяи Ҷанубӣ баррасӣ шуд
Ҳамкории Тоҷикистон ва Корея дар татбиқи лоиҳаҳои иқтисодию иҷтимоӣ баррасӣ гардид
Намояндаи Тоҷикистон дар ҷаласаи ғайрирасмии Кумитаи ҳамоҳангсози Созмони умумиҷаҳонии моликияти зеҳнӣ иштирок намуд
Дар Қоҳира машваратҳои сиёсӣ байни вазоратҳои корҳои хориҷии Тоҷикистон ва Миср баргузор гардид
Давлатшоҳ Гулмаҳмадзода дар мулоқоти Вазири корҳои хориҷии Русия бо сафирони давлатҳои аъзои ИДМ иштирок намуд
Тоҷикистон аз шиддат гирифтани вазъ дар минтақаи Ховари Миёна изҳори нигаронӣ менамояд
Дар Душанбе ҳамкории Тоҷикистон бо Агентии ҳамкории байналмилалии Ҷопон баррасӣ гардид
Масоили рушди ҳамкории сайёҳии Тоҷикистон ва Туркия баррасӣ гардид
Намояндаи доимии Тоҷикистон бо Президенти Ассамблеяи парлумонии Созмони амният ва ҳамкорӣ дар Аврупо мулоқот намуд
Дар Москва машваратҳо дар қолаби «Осиёи Марказӣ – Русия» доир гардиданд
Намояндаи доимии Тоҷикистон бо директори генералии Созмони рушди саноати СММ мулоқот намуд
Дар Москва ҷаласаи Шурои ҷамъиятии назди Сафорати Тоҷикистон дар Русия баргузор гардид
