Сокинони шаҳри Леваканд соҳиби сертификати касбомӯзии Донишгоҳи техникии Тоҷикистон гардиданд
ДУШАНБЕ, 02.03.2024 /АМИТ «Ховар»/. 188 сокини шаҳри Леваканди вилояти Хатлон ва шаҳру ноҳияҳои атрофи он соҳиби сертификати касбомӯзии Донишгоҳи техникии Тоҷикистон ба номи академик Муҳаммад Осимӣ гардиданд.
Тавре ба АМИТ «Ховар» дар Донишгоҳи техникии Тоҷикистон хабар доданд, 188 нафар давоми моҳи декабри соли 2023 ва январи соли 2024 ба машғулияти омӯзишӣ дар доираи ҳамкорӣ байни Парки технологии Донишгоҳи техникии Тоҷикистон ва Ҷамъияти саҳомии кушодаи «Азот» бо мақсади соҳибкасб намудани занону ҷавонон ва дар оянда дар Ҷамъияти саҳомии кушодаи «Азот» бо ҷойи кори доимӣ ва маоши арзанда таъмин намудани онҳо ҷалб гардиданд.
Ба иштирокчиён аз рӯйи ихтисосҳои аппаратчии истеҳсолоти химиявӣ, лаборанти таҳлили химиявӣ, мошинисти таҷҳизоти насосию компрессорӣ, челонгар оид ба таъмири таҷҳизот, харрот, кафшергари барқию газӣ, челонгарӣ, тунукасоз, изоляторчӣ ва монтёри барқчӣ машғулият гузаронида шуд.
Дар маҷмуъ, давоми солҳои 2022-2024 350 нафар ба машғулияти омӯзишӣ фаро гирифта шуданд, ки 60 фоизашонро ҷавонону духтарон ташкил медиҳанд.
Инчунин бо мақсади пайванди илм ва истеҳсолот, татбиқи таҳсилоти дуалӣ ва гузаронидани дарсҳои озмоишӣ – амалӣ дар истеҳсолот дар Ҷамъияти саҳомии кушодаи «Азот» филиали кафедраи технологияи равандҳои истеҳсолии Донишгоҳи техникии Тоҷикистон таъсис дода шудааст.
АКС: Донишгоҳи техникии Тоҷикистон ба номи академик Муҳаммад Осимӣ
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
Донишкадаи кӯҳию металлургии Тоҷикистон дар омодасозии мутахассисони соҳаи кӯҳӣ ва рушди саноат саҳми назаррас дорад
Президенти Тоҷикистон барои иҷрои босифати барномаи рушди фанҳои дақиқ дастур доданд
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
ПАЙВАНДИ ИЛМ БО ИСТЕҲСОЛОТ. Дар Донишгоҳи технологии Тоҷикистон озмуни ихтироъкорӣ ва навоварӣ доир шуд
««ШОҲНОМА»-И АБУЛҚОСИМ ФИРДАВСӢ ВА ТАҲКИМИ ҲУВИЯТИ МИЛЛӢ». Дар Донишгоҳи давлатии Кӯлоб ҳамоиш доир шуд
Дар Донишгоҳи давлатии ҳуқуқ, бизнес ва сиёсати Тоҷикистон оид ба муаммоҳои глобалии экологӣ ҳамоиш доир шуд
Давраи якуми бақайдгирии довталабон барои иштирок дар имтиҳонҳои дохилшавӣ то 30 апрел идома меёбад
Қабули ҳуҷҷатҳо барои соли таҳсил дар муассисаҳои таҳсилоти олии касбии Ҷумҳурии Корея оғоз гардид
ҲУКУМАТИ ЭЛЕКТРОНӢ. Барномаи иттилоотии «Kudak.tj» барои муассисаҳои томактабии шаҳри Душанбе рунамоӣ гардид
Дар Донишгоҳи давлатии Хоруғ Маркази зеҳни сунъӣ ба фаъолият оғоз намуд
