Вобаста ба ворид шудани Мамнуъгоҳи табиии давлатии «Бешаи палангон» ба Феҳристи мероси ҷаҳонии ЮНЕСКО конфронси байналмилалӣ доир шуд
ДУШАНБЕ,13.03.2024 /АМИТ «Ховар»/. Дар Осорхонаи миллии Тоҷикистон бо ташаббуси Кумитаи ҳифзи муҳити зисти назди Ҳукумати Ҷумҳурии Тоҷикистон вобаста ба ворид шудани Мамнуъгоҳи табиии давлатии «Бешаи палангон» ба Феҳристи мероси ҷаҳонии ЮНЕСКО конфронси байналмилалӣ баргузор гардид. Дар ин хусус ба АМИТ «Ховар» сардори шуъбаи методӣ ва тайёр намудани кадрҳои илмии Осорхонаи миллӣ Алишер Зарипов иттилоъ дод.
Дар конфронс олимону мутахассисони ватанӣ ва хориҷӣ иштирок намуда, роҷеъ ба популятсияи ҳайвоноту наботот, экосистемаҳои табиии туғайзор ва ҳифзу нигоҳдошти онҳо аз антропоген (таъсири инсон) дар ҳудуди мамнуъгоҳ маърузаҳои илмӣ намуданд.
Гуфта шуд, ки дар Осорхонаи миллии Тоҷикистон бо мақсади таблиғу ташвиқ ва муаррифии бештари ин мавзеи нодир диорамаи «Бешаи палангон» таъсис дода шудааст. Дар он намунаҳои гуногуни олами ҳайвоноту набототи нодири Тоҷикистон ба маъраз гузошта шудааст. Аз ҷониби роҳбаладони Осорхонаи миллӣ барои меҳмонони ватаниву хориҷӣ оид ба ин мавзеъ ҳамарӯза сайрҳои мавзуӣ баргузор мешаванд.
Ёдовар мешавем, ки Мамнуъгоҳи табиии давлатии «Бешаи палангон» 20 сентябри соли 2023 зимни ҷаласаи 45-уми Кумитаи байниҳукуматӣ оид ба ҳифзи мероси моддии фарҳангии ЮНЕСКО, ки дар шаҳри Риёзи Арабистони Саудӣ баргузор гардид, ба Феҳристи мероси ҷаҳонии ЮНЕСКО ворид гардид.
«Сертификат»-и асле, ки ворид шудани Мамнуъгоҳи табиии давлатии «Бешаи палангон»-ро ба Феҳристи мероси ҷаҳонии ЮНЕСКО тасдиқ менамояд, дар Осорхонаи миллӣ ҳифзу нигоҳдорӣ мешавад.
Барои иштирокдорони конфронс оид ба Мамнуъгоҳи табиии давлатии «Бешаи палангон» аз ҷониби роҳбалади Осорхонаи миллӣ бо забони англисӣ сайри мавзуӣ гузаронида шуд.
АКС: Осорхонаи миллии Тоҷикистон
ТАМАДДУНИ ОРИЁӢ. Дар Душанбе дар ин мавзуъ Симпозиуми байналмилалии сатҳи баланд баргузор мегардад
СОЛИ ОБОДОНИЮ СОЗАНДАГӢ. Дар ҳудуди Қасри бостонии Ҳулбук корҳои ободкорию сабзгардонӣ идома доранд
Эҳёи хотираи таърихӣ ва таҳкими ҳувияти миллӣ вазифаи муқаддаси ҳар сокини ҷумҳурӣ аст
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ давраи омузишӣ баргузор шуд
ТОҶИКОН — МЕРОСБАРИ ТАМАДДУНИ ОРИЁӢ. Иқдоми Тоҷикистон дар самти ҳифзу арҷгузорӣ ба тамаддуни ориёӣ саривақтӣ ва муҳим аст
Сокинони шаҳри Исфара соҳиби туҳфаи Пешвои миллат- «Шоҳнома»-и безавол мегарданд
Дар Коллеҷи муҳандисию омӯзгории шаҳри Душанбе маркази омӯзиши забони чинӣ таъсис дода мешавад
БОРБАД — АСОСГУЗОРИ МУСИҚИИ ШАРҚ. Хунёгаре, ки назирашро таърихи башар ёд надорад
Дар Душанбе рӯзҳои фарҳангии шаҳру ноҳияҳои Тоҷикистон баргузор мегарданд
Масъалаи дастрасӣ ба оби нӯшокии устувор бо намояндагони ЮНИСЕФ дар Тоҷикистон баррасӣ гардид
Дар Академияи миллии илмҳо нуктаҳои асосии Паёми Президенти Тоҷикистон шарҳ дода шуд
