Ҳайати Тоҷикистон дар ҷаласаҳои солонаи Гурӯҳи Бонки Исломии Рушд дар Риёз иштирок намуд
ДУШАНБЕ, 30.04.2024 /АМИТ «Ховар»/. Ҷаҳон барои бартараф намудани норасоии маблағгузорӣ дар лоиҳаҳои инфрасохтори устувор то соли 2040 ба 15 триллион доллар ниёз дорад. Чунин гуфт Президенти Гурӯҳи Бонки Исломии Рушд /БИР/ доктор Муҳаммад Сулаймон Ал-Ҷассер зимни ифтитоҳи расмии ҷаласаҳои солонаи БИР, ки дар мавзуи «Қадрдонии гузашта бо мақсади бунёди ояндаи аслӣ, ҳамраъйӣ ва шукуфоӣ» дар шаҳри Риёзи Шоҳигарии Арабистони Саудӣ баргузор гардид. Дар ин хусус ба АМИТ «Ховар» дар Вазорати рушди иқтисод ва савдои ҷумҳурӣ иттилоъ доданд.
Дар ҷаласаҳои солонаи Бонки Исломии Рушд ҳайати расмии Ҷумҳурии Тоҷикистон таҳти роҳбарии Вазири рушди иқтисод ва савдо/мудири кишварии Бонки Исломии Рушд аз Тоҷикистон Завқӣ Завқизода иштирок намуд.
Имсол ҷаласаҳои солонаи Бонки Исломии Рушд дар ҳошияи 50 -солагии таъсиси бонк бо иштироки намояндагони ташкилоти байналмилалии молиявӣ ва намояндагони 57 давлати аъзои бонк баргузор шуданд.
Гуфта шуд, ки Бонки Исломии Рушд аз оғози таъсис барои дастгирии 12 000 лоиҳа барои рушд дар давлатҳои аъзо беш аз 182 миллиард доллар сармоягузорӣ карда, минбаъд низ баҳри дастгирии лоиҳаҳои афзалиятноки кишварҳои аъзо мусоидат менамояд.
Гурӯҳи Бонки Исломии Рушд соли 2023 барои рушди соҳаҳои иқтисодию иҷтимоии кишварҳои аъзо ба маблағи умумии 4,3 миллиард доллар бо афзоиши 42 фоиз аз ҳисоби худи бонк, 6,9 миллиард доллар аз Корпоратсияи Байналмилалии Исломии Маблағгузории Савдо (ITFC), 627 миллион доллар Корпоратсияи Исломии Рушди бахши хусусӣ (ICD) ва 13,3 миллиард доллар Корпоратсияи исломӣ оид ба суғуртаи сармоягузорӣ ва қарзҳои содиротӣ (ICIEC) суғурта ва кафолатҳои қарзӣ дар самтҳои молия, кишоварзӣ ва энергетика пешниҳод намудааст.
Завқӣ Завқизода дар нишасти мудирони бонк ба роҳбарияти Бонки Исломии Рушд барои таъсиси механизми нави маблағгузории имтиёзноки зиддибуҳронӣ (crisis window) изҳори миннатдорӣ намуда, пешниҳод кард, ки маблағҳои он ба ҳадафу афзалияти рушди давлатҳои аъзо, аз ҷумла иқтисоди «сабз», таъмини амнияти озуқаворӣ, инфрасохтори ирригатсионӣ ва пешгирии пайомадҳои тағйирёбии иқлим равона гарданд.
АКС: Вазорати рушди иқтисод ва савдои Ҷумҳурии Тоҷикистон
Созмони ҷаҳонии сайёҳӣ: «Тоҷикистон аз ҳисоби афзоиши теъдоди ҷаҳонгардон ба мамлакат дар зинаи сеюм қарор гирифт»
Аз шаҳри Душанбе ба самти Давҳа парвозҳо оғоз гардиданд
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
Дар шаҳри Кӯлоб филиали «Саноатсодиротбонк» ифтитоҳ гардид
Таҷрибаи Ҷумҳурии Корея оид ба истифодаи технологияҳои ҳушманд дар соҳаи кишоварзӣ дар ноҳияҳои Тоҷикистон баррасӣ гардид
Вазири энергетикаи Тоҷикистон дар Риёз дар чорабинии канорӣ оид ба диверсификатсияи манбаъҳои энергия иштирок намуд
Конфронси 28-уми байналмилалии сармоягузорӣ дар шаҳри Риёзи Подшоҳии Арабистони Саудӣ ба анҷом расид
