БАР ВАТАН СОДИҚОНА ХИЗМАТ КУНЕМ! Дар ноҳияи Муъминобод нақшаи даъвати баҳорӣ дар рӯзи аввал 100 фоиз иҷро гардид
МУЪМИНОБОД, 01.04.2024 /АМИТ «Ховар»/. Имрӯз дар ноҳияи Муъминободи вилояти Хатлон маъракаи даъвати баҳории ҷавонон ба сафи Қувваҳои Мусаллаҳи Ҷумҳурии Тоҷикистон оғоз гардид, хабар медиҳад мухбири минтақавии АМИТ «Ховар» Сулаймон Холзода.
Зимни ҳамоиш аз ҷониби комиссариати ҳарбии ноҳия иттилоъ дода шуд, ки нақшаи даъвати баҳории имсола дар рӯзи аввал 100 фоиз иҷро гардид.
Сараввал наваскарон аз комиссариати ҳарбӣ то макони баргузории чорабинӣ роҳпаймоӣ намуда, бо Парчами давлатӣ вориди майдони марказӣ гардиданд. Шиори ин ҷавонон аз «Хизмати софдилона ба Ватан, ҳимояи марзу буми он ва арҷ гузоштан ба муқаддасоти миллӣ» иборат буд.
Дар ҳамоиш намояндагони мақомоти иҷроияи ҳокимияти давлатии ноҳия, падару модарон, собиқадорон ва фаъолони ноҳия иштирок намуда, даъватшудагонро бо расидан ба синни мардонагӣ, далерию ҷасурӣ таҳният гуфта, онҳоро ба ҳимояи якпорчагии Ватан ва хизмати содиқона ба он роҳнамоӣ намуданд.
Иброз гардид, ки бо кӯшишу талошҳои Президенти ҷумҳурӣ муҳтарам Эмомалӣ Раҳмон сиёсати давлатии ҷавонон ба таври комил тарҳрезӣ шуда, марҳила ба марҳила дар амал татбиқ мегардад.
Раиси ноҳияи Муъминобод Сайвалӣ Амирзода ба падару модароне, ки фарзандонашонро тарбияи дуруст дода, имрӯз ба комиссариати ҳарбӣ ҳозир намудаанд, миннатдорӣ баён намуд. Ӯ иброз дошт, ки «хизмат ба Ватан қарзи ҳар ҷавони бонангу номус буда, ҳар яки мо вазифадор ҳастем, ки дар ҳифзи марзу буми Ватан саҳм гузорем».
Аз ҷониби намояндагони мақомоти иҷроияи ҳокимияти давлати ноҳия ба наваскарон сарулибоси варзишӣ, ҳуҷҷати ронандагӣ, Ифтихорнома ва туҳфаҳои хотиравӣ супорида шуданд.
Барномаи ҳунарии шуъбаи фарҳанги ноҳия бо шеъру таронаҳои рангину ҷаззоб хотири ҳозиринро болида гардонид.
Дар охир бо дуои неки падару модарон даъватшудагон ба қисмҳои низомӣ гусел шуданд.
АКС: АМИТ «Ховар»
Тоҷикистон ва Русия вобаста ба ҳодисаи гаравгонгирӣ дар муассисаи ислоҳии шаҳри Суровикино тадбир меандешанд
Дар Душанбе ҷаласаи IX Шурои байнидавлатии муқовимат ба коррупсия доир мегардад
Дар ноҳияи Хуросон бинои Хадамоти шиносномавӣ-бақайдгирӣ ба истифода дода шуд
Вохӯрии гурӯҳҳои кории топографӣ ва гурӯҳҳои корӣ оид ба масъалаҳои ҳуқуқии ҳайатҳои ҳукуматии Тоҷикистон ва Қирғизистон баргузор гардид
Прокуратураи генералӣ: «Аз шаҳрвандон хоҳиш карда мешавад, ки фирефтаи ҳар гуна таблиғоти беасос оид ба таъмини ҷойи кор дар хориҷи мамлакат нашаванд»
Намояндагони Тоҷикистон ва UNHCR масъалаи ҳолатҳои фавқулодаро баррасӣ намуданд
АМАЛИЁТИ «КОРД». Милитсияи Хатлон 768 силоҳи сард дарёфт ва мусодира намуд
Дар даъвати тирамоҳӣ дар шаҳри Ваҳдат 260 ҷавон ба таври ихтиёрӣ ба сафи Артиши миллӣ ҳамроҳ мешавад
Вазири корҳои дохилии Тоҷикистон дар ҷаласаи Шурои вазирони корҳои дохилии давлатҳои ИДМ дар Минск иштирок намуд
НИШАСТИ МАТБУОТӢ. Бо дахолати прокуророн 142 миллион сомонӣ қарзи музди меҳнат пардохт шуд
Вазорати корҳои дохилӣ: «Дар сурати ихтиёран даст кашидани шаҳрвандон аз иштирок дар фаъолияти гурӯҳҳои экстремистиву террористӣ онҳо аз ҷавобгарии ҷиноятӣ озод карда мешаванд»
НИШАСТИ МАТБУОТӢ. Дар Вазорати адлияи Тоҷикистон омилҳои асосии барҳамхӯрии иттиҳодияҳои ҷамъиятӣ шарҳ дода шуд
