Бо волидайни хонандагони Литсейи касбии техникии шаҳри Ҳисор мулоқоти судманд доир шуд
ҲИСОР, 21.04.204 /АМИТ «Ховар»/. Дар доираи мулоқоти Президенти Ҷумҳурии Тоҷикистон муҳтарам Эмомалӣ Раҳмон бо фаъолон, олимон ва ходимони дини мамлакат дар Муассисаи давлатии таълимии Литсейи касбии техникии шаҳри Ҳисор бо волидайни хонандагон вохӯрии судманд доир гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд директори Литсейи касбии техникии шаҳри Ҳисор Миҷгона Раҳимӣ иттилоъ дод.
Дар ҷамъомад гуфта шуд, ки дар ҷараёни мулоқот бо намояндагони фаъоли ҷомеа ва ходимони дин Пешвои миллат муҳтарам Эмомалӣ Раҳмон оид ба ҷараёни татбиқи қонунҳои Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ва «Дар бораи масъулияти падару модар дар таълиму тарбияи фарзанд» андешаронӣ намуда, аз аҳли ҷомеаи мамлакат риояи қатъии муқаррароти қонунҳоро талаб намуданд.
Сарвари давлат эрод гирифтанд, ки мутаассифона, ҳодисаҳои вайрон намудани қонун зимни гузаронидани маъракаҳо ба чашм мерасанд. Ҳоло ҳам баъзе одамон дар маъракаҳояшон ба исрофкорӣ роҳ медиҳанд.
Президенти Тоҷикистон зимни мулоқот таъкид намуданд, ки зоҳирпарастиву исрофкорӣ ва риоя накардани меъёру андозаҳои муайяншудаи анъана ва расму оинҳои мардумию динӣ садди роҳи баланд гардидани сатҳи зиндагии аҳолӣ мегардад.
Масъулини Литсейи касбии техникии шаҳри Ҳисор дар ин вохӯрӣ доир ба истифода дурусти телефонҳои мобилӣ ва шабакаҳои иҷтимоӣ, пешгирии ҳамроҳ нашудани ҷавонон ба гурӯҳҳои ифротӣ ва иҷрои қонунҳои Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ва «Дар бораи масъулияти падару модар дар таълиму тарбияи фарзанд» ибрози андеша намуданд.
Волидайни хонандагон иброз доштанд, ки дастуру супоришҳои Пешвои миллат муҳтарам Эмомалӣ Раҳмонро дар зиндагӣ амалӣ намуда, кӯшиш мекунанд, ки ба исрофкорӣ роҳ надода, фарзандонашонро дар руҳияи ватандӯстию хештаншиносӣ ба воя расонанд ва барои соҳибкасб гардидани онҳо мусоидат намоянд.
АКС: Литсейи касбии техникии шаҳри Ҳисор
Дар вилояти Суғд Фестивал-озмуни ҷумҳуриявии «Сайри гули лола» ҷамъбаст гардид
Дар шаҳри Бӯстон доир ба тарбияи ватандӯстии ҷавонон ҳамоиш доир гардид
Табодули академӣ ва таҷрибаомӯзии донишҷӯёни Тоҷикистон ва Лаҳистон бештар мегардад
«ИЛМ-АСОСИ РУШДИ ИННОВАТСИОНӢ». Дар Донишгоҳи техникии Тоҷикистон конференсияи байналмилалӣ доир шуд
Имрӯз дар ноҳияҳои алоҳидаи кӯҳии Тоҷикистон бориши борон дар назар аст
Кишоварзони Шаҳринав дар 300 гектар пунбадона кишт менамоянд
Дар Ҳисор як саги бесоҳиб ба 8 нафар осеб расонид, ки 5 нафари он кӯдакон мебошанд
Дар ноҳияи Мастчоҳ бо мақсади пешгирии паҳншавии малах корҳои безараргардонӣ гузаронида шуданд
Кишоварзони ноҳияи Шаҳристон дар 1735 гектар картошка кишт менамоянд
Дар шаҳри Турсунзода кишти чигит ва дигар маҳсулоти кишоварзӣ вусъат меёбад
Имрӯз дар Тоҷикистон ҳавои тағйирёбанда пешгӯӣ мешавад
Дар ноҳияи Мастчоҳ дар беш аз 12 ҳазор гектар чигит кишт карда мешавад
