Дар Минск консерти ансамбли эстрадии Оркестри давлатии симфонии Тоҷикистон баргузор мегардад
ДУШАНБЕ, 17.04.2024 /АМИТ «Ховар»/. Бо дастури Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон 22 апрел дар шаҳри Минск бахшида ба ҷашни байналмилалии Наврӯз дар Филармонияи давлатии Беларус барномаи консертии ансамбли эстрадии Оркестри давлатии симфонии Дастгоҳи иҷроияи Президенти Ҷумҳурии Тоҷикистон баргузор мегардад, хабар медиҳад АМИТ «Ховар».
Бояд гуфт, ки дар даврони Истиқлолияти давлатии Ҷумҳурии Тоҷикистон фарҳанг ҳамчун рамзи симои маънавии мардум, муттаҳидкунандаи неруи илмию зеҳнӣ, таҷассуми таърихи муосиру бостонӣ, урфу одат, хулқу одоби баланд ва дигар ёдгориҳои миллӣ дар ҷомеа мавқеи сазоворро ишғол намуд.
Барои таҳкими ин арзишҳо бо шарофати ғамхорӣ ва таваҷҷуҳи хоссаи Президенти Ҷумҳурии Тоҷикистон муҳтарам Эмомалӣ Раҳмон дар соҳаҳои гуногуни фарҳанги миллӣ дигаргуниҳои куллӣ ба амал омада, соҳаи фарҳанг ба комёбиҳои бесобиқа ноил гардид.
Бо таваҷҷуҳ ва дастгирии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон Оркестри давлатии симфонии Дастгоҳи иҷроияи Президенти Ҷумҳурии Тоҷикистон таъсис дода шуд, ки яке аз дастовардҳои фарҳангии даврони соҳибистиқлолии Ҷумҳурии Тоҷикистон маҳсуб шуда, ҳоло мамлакати моро пайваста дар хориҷа намояндагӣ мекунад.
Ба оркестри симфонӣ навозандагони касбӣ дар асоси озмун ба кор қабул карда мешаванд.
Оркестри симфонӣ бори аввал бахшида ба 25-солагии Истиқлолияти давлатии Ҷумҳурии Тоҷикистон консерт намоиш дода буд.Дар баробари иштирок ва ҳунарнамоӣ дар чорабиниҳои фарҳангии ҷумҳуриявӣ барномаҳои консертии оркестр дар кишварҳои хориҷӣ низ ташкил ва гузаронида шуданд.Ташкил ва гузаронидани барномаи консертии Оркестри давлатии симфонии Дастгоҳи иҷроияи Президенти Ҷумҳурии Тоҷикистон дар Ҷумҳурии Беларус маротибаи аввал буда, дар доираи сиёсати дӯстона ва фарҳангпарваронаи сарони давлатҳои Тоҷикистону Беларус муҳтарам Эмомалӣ Раҳмон ва муҳтарам Александр Лукашенко анҷом дода мешавад.
АКС аз бойгонӣ
Оид ба омӯзиши таърих ва тамаддуни халқи тоҷик дар замони соҳибистиқлолӣ конфронси илмӣ баргузор гардид
ТУҲФАИ АРЗАНДАИ ПРЕЗИДЕНТИ ТОҶИКИСТОН. Тақдими китоби «Шоҳнома» ба беш аз 48 ҳазор оилаи шаҳри Ҳисор оғоз шуд
«ТОҶИКИСТОН — ВАТАНИ АЗИЗИ МАН». Даври сеюми озмуни ҷумҳуриявӣ моҳи сентябр оғоз мегардад
Дар остонаи ҷашни Истиқлоли давлатӣ китоби «Корномаҳои ҷовидонаи Пешвои муаззами миллат» аз чоп баромад
«Шоҳнома»-и Ҳаким Фирдавсӣ бузургтарин мактаб дар тарбияи худшиносии миллӣ мебошад
Муовини Сарвазири Беларус дар Осорхонаи миллии Тоҷикистон бо таъриху фарҳанги тоҷикон шинос гардид
МУҶАССАМАИ ИСМОИЛИ СОМОНӢ. Аз ифтитоҳи ин маҷмааи миллӣ 26 сол пур шуд
Оид ба нақши Тоҷикистон дар ҳалли масъалаҳои обу иқлим конференсияи ҷумҳуриявӣ баргузор шуд
Дар Академияи миллии илмҳои Тоҷикистон 34-солагии Истиқлолияти давлатиро ҷашн гирифтанд
«ФАЙЗИ ИСТИҚЛОЛ». Дар Осорхонаи миллӣ намоиши ҷашнии асарҳои рассомони ҷавони тоҷик ифтитоҳ ёфт
Дар Институти биологии Помир оид ба рушди илму дониш дар замони истиқлол ҳамоиш доир шуд
Вазъияти кунунӣ ва сатҳи радиатсияи Искандаркӯл омӯхта мешавад
