Лоиҳаи «Ташхиси сохтори бозори пул дар Ҷумҳурии Тоҷикистон» баррасӣ гардид
ДУШАНБЕ, 10.04.2024 /АМИТ «Ховар»/. Натиҷаҳои марҳилаи аввали лоиҳаи «Ташхиси сохтори бозори пул дар Ҷумҳурии Тоҷикистон» дар мулоқоти Раиси Бонки миллии Тоҷикистон Фирдавс Толибзода бо роҳбари Бонки аврупоии таҷдид ва рушд (БАТР) дар Ҷумҳурии Тоҷикистон Холгер Вифел дар Душанбе баррасӣ гардид.
АМИТ «Ховар» бо истинод ба Бонки миллии Тоҷикистон иттилоъ медиҳад, ки Фирдавс Толибзода ба ҳайати Бонки аврупоии таҷдид ва рушд барои ҳамкории самарабахши бисёрсола ва дастгирии доимӣ дар рушди иқтисодиёти мамлакат, бахусус пешниҳоди кумакҳои молиявию техникӣ ба низоми бонкии Ҷумҳурии Тоҷикистон арзи сипос намуд.
Гуфта шуд, ки муайян намудани заминаҳо ва омилҳои рушди бозори байнибонкии пул, инчунин бозори коғазҳои қиматнок дар пешбурди сиёсати пулию қарзии мамлакат ва таъмини устувории бахши молиявӣ нақши муҳим мебозад. Маҳз бо пайгирии ин байни Бонки миллии Тоҷикистон ва Бонки аврупоии таҷдид ва рушд созишномаи ҳамкорӣ дар бораи омӯзиш ва ташхиси сохтори бозори пул ба имзо расидааст.
Тибқи барномаи пешбинишуда, барои идомаи лоиҳаи ташхиси бозори пул дар солҳои наздик бо ташкили гурӯҳи корӣ қадамҳои минбаъда гузошта мешаванд, ки ба баҳодиҳӣ ва муайянсозии монеаҳо, инчунин бозори байнибонкии пул таъсири мусбат мерасонанд. Бозори пул яке аз бахшҳои калидии низоми молиявӣ ба ҳисоб рафта, баҳри таъмин намудани инфрасохтори муосири пешниҳоди қарзҳои кӯтоҳмуҳлат ва ҷойгиркунии маблағҳо байни ташкилоти қарзӣ ба рушду устувории иқтисоди ҷумҳурӣ, инчунин тақсимоти самараноки захираҳои бонкӣ ба соҳаҳои гуногуни иқтисодиёт мусоидат менамояд.
«Ҳамчунин рушди бозори пул барои беҳбудию самарабахшии натиҷаҳои фаъолият ва вазифаҳои Бонки миллии Тоҷикистон дар низоми молиявии мамлакат заминаҳои хуб фароҳам оварда, ба раванди гузариш ба реҷаи муосири сиёсати пулию қарзӣ — ҳадафгирии таваррум суръати нав мебахшад», — гуфт Фирдавс Толибзода.
Ҷонибҳо корҳои анҷомдодаро дар марҳилаи якуми ин лоиҳа баррасӣ намуда, муҳимияти онро барои тақвияти минбаъдаи бозори пул (Money Market) дар Тоҷикистон таъкид доштанд. Инчунин ҷонибҳо ҳавасмандиашонро ба таҳкими ҳамкории самарабахш изҳор намуданд.
АКС: Бонки миллии Тоҷикистон
Байни Бонки миллии Тоҷикистон ва Бонки аврупоии таҷдид ва рушд Ёддошти тафоҳум ба имзо расид
Вазири рушди иқтисод ва савдои Тоҷикистон бо Директори генералии Корпоратсияи исломӣ оид ба суғуртаи сармоягузорӣ ва қарзҳои содиротӣ (ICIEC) мулоқот намуд
Завқӣ Завқизода аз Президенти Гурӯҳи Бонки Исломии Рушд дархост намуд, ки ба соҳаҳои афзалиятноки иқтисоди Тоҷикистон маблағгузориро афзоиш диҳад
Силсилавохӯриҳои ҳайати расмии Тоҷикистон дар ҷаласаи солонаи Гурӯҳи Бонки Исломии Рушд баргузор шуданд
Вазири рушди иқтисод ва савдои Тоҷикистон дар Риёз бо Роҳбари ITFC мулоқот анҷом дод
Ҳайати Тоҷикистон дар ҷаласаҳои солонаи Гурӯҳи Бонки Исломии Рушд дар Риёз иштирок намуд
ҚУРБИ АСЪОР: дар Тоҷикистон 1 доллари ИМА аз 10.9246 то 10.9400 сомонӣ муқаррар шудааст
Одил Рено-Бассо: «Ҳамкории Бонки Аврупоии таҷдид ва рушд ва Тоҷикистонро метавон ҳамчун ҳамкории шарикӣ арзёбӣ намуд»
Дар ноҳияи Данғара Фестивали «Саводнокии молиявӣ» гузаронида шуд
Ҷаласаи Ситоди байниидоравӣ оид ба ҳамоҳангсозии амалишавии сиёсати макроиқтисодӣ ва пешгирии таъсири хавфҳои эҳтимолӣ доир шуд
Ҳайати Тоҷикистон дар Рӯзҳои сайёҳии Созмони ҳамкории иқтисодӣ иштирок намуд
