МАРОТИБАИ АВВАЛ. Табибони тоҷик усули нави ҷарроҳӣ дар самти табобати сурхрӯда ва меъдаро амалӣ намуданд

Апрель 17, 2024 08:54

ДУШАНБЕ, 17.04.2024. /АМИТ «Ховар»/. Табибони тоҷик  усули нави ҷарроҳӣ дар самти табобати сурхрӯда ва меъдаро бе буриш амалӣ намуданд, иттилоъ медиҳад АМИТ «Ховар» бо истинод ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.

Ба иттилои манбаъ, табибони Муассисаи давлатии «Маркази ҷумҳуриявии илмии ҷарроҳии дилу рагҳо»-и Вазорати тандурустӣ ва ҳифзи иҷтимоии аҳолӣ дар якҷоягӣ бо мутахассисони соҳа аз Ҷумҳурии Қазоқистон нахустин маротиба  амалиёти ҷарроҳии эндоскопӣ гузарониданд. Чунин усули ҷарроҳӣ  бе буриши пӯст буда, пардаи зери луобиро кушода, мушакҳое, ки қисми гузариши сурхрӯда ва меъдаро маҳкам кардаанд, онҳоро бурида, қисми луобии сурхрӯдаро бо клипсҳо маҳкам мекунанд.

Ҳангоми чунин беморӣ қисми гузариши сурхрӯда ва меъда танг шуда, бемор аз хӯрокхӯрӣ мемонад. Дар ин ҳолат ҳангоми хӯрокхӯрӣ дар бемор аломатҳои қайкунӣ ба амал меоянд.

Қаблан ин гуна амалиёти ҷарроҳӣ бо усули анъанавӣ, яъне буридани 15-16 см ҷисми бемор гузаронида мешуд, ки ин ҳолат, албатта, муддати бистаришавӣ ва табобати беморонро низ дароз мекард.

Пештар ҳангоми чунин амалиёти ҷарроҳии бо буриш бемор давоми 10-12 шабонарӯз дар беморхона бистарӣ мегардид. Акнун бо ин усули нави ҷарроҳӣ беморон метавонанд пас аз 1 рӯзи амалиёти ҷарроҳӣ аз беморхона рухсат шуда, ба истеъмоли хӯрок оғоз намоянд.

Табибони марказ давоми як сол дар Ҷумҳурии Қазоқистон вобаста ба омӯхтани ин намуд амалиёти ҷарроҳӣ дар муассисаҳои тандурустии он ҷо донишу таҷрибаи хешро такмил додаанд.

Дар маҷмуъ, се сол мешавад, ки табибони марказ бе буриш аз даҳон 8 намуд амалиёти ҷарроҳиро бо истифода аз таҷҳизоти муосири тиббӣ амалӣ намудаанд.

Дар амал ҷорӣ намудани боз як амалиёти нави ҷарроҳӣ дар соҳаи тибби мамлакат бори дигар нишони он аст, ки давлату Ҳукумати мамлакат ба ин соҳаи ҳаётан муҳим таваҷҷуҳи хосса зоҳир намуда, баҳри фаъолияти кормандони соҳа тамоми шароит ва имконоти мусоидро фароҳам овардааст.

Гуфта мешавад, ки ворид намудани усулҳои нави ташхису табобат яке аз самтҳои афзалиятноки соҳаи тандурустӣ ба шумор рафта, имрӯзҳо табибони мамлакат бо истифода аз шароит ва имконоти мусоиди фароҳамгардида дар соҳаи тибби мамлакат усулҳои нави ҷарроҳиро дар амал иҷро менамоянд.

АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Апрель 17, 2024 08:54

Хабарҳои дигари ин бахш

РАВАНДИ ОБИ ДУШАНБЕ. Дар пойтахти Тоҷикистон Форуми сатҳи баланд таҳти унвони «Зан ва об» баргузор мешавад
Дар Душанбе рушди соҳибкории занон, мушкилот ва роҳҳои ҳалли онро баррасӣ намуданд
Кумитаи ҳолатҳои фавқулода ва мудофиаи граждании Тоҷикистон аз омадани сел ҳушдор медиҳад
Ҷамолиддин Абдуллозода ва Чин Ван Фечнао доир ба коркарди гиёҳҳои шифобахш мубодилаи афкор намуданд
Намояндагии Муассисаи федералии воҳиди давлатии «Хадамоти шиносномадиҳӣ ва раводид»-и Русия дар Тоҷикистон ифтитоҳ гардид
Дар ҷаласаи 28-уми Шурои роҳбарони мақомоти муҳоҷирати давлатҳои иштирокчии Иттиҳоди Давлатҳои Мустақил вазъи муҳоҷират баррасӣ шуд
Беҳтарин тараннумгарони Ватан муайян гардиданд
Душанбе мизбони ҷаласаи 28-уми Шурои роҳбарони мақомоти муҳоҷирати давлатҳои иштирокдори Иттиҳоди Давлатҳои Мустақил мегардад
ИМРӮЗ-РӮЗИ АДВОКАТҲО. Асоси ислоҳоти ниҳоди адвокатураи Тоҷикистонро Паёми Президенти Тоҷикистон ба Маҷлиси Олӣ ташкил медиҳад
«МАКТАБИ СИЁСИИ ПЕШВОИ МИЛЛАТ». Дар Кӯлоб Конференсияи IV байналмилалии илмӣ-назариявӣ баргузор гардид
Кумакҳои Пешвои миллат ба зарардидагони офати табиӣ дар ноҳияҳои Нуробод ва Рашт расиданд
Дар Душанбе бо иштироки беш аз 10 ҳазор ҷавони гуногункасб Рӯзи ҷавонони Тоҷикистон бошукуҳ таҷлил шуд