Шумораи аъзои Ҳизби Халқии Демократии Тоҷикистон дар шаҳри Душанбе беш аз 84,4 ҳазор нафарро ташкил медиҳад
ДУШАНБЕ, 26.04.2024 /АМИТ «Ховар»/. Дар семоҳаи аввали соли 2024 дар шаҳри Душанбе 1970 нафар ба сафи Ҳизби Халқии Демократии Тоҷикистон қабул гардида, шумораи умумии аъзои ҳизб дар пойтахт ба 84 499 нафар расид. Ин омор дар маҷлиси Раёсати Кумитаи иҷроияи Ҳизби Халқии Демократии Тоҷикистон дар шаҳри Душанбе, ки 25 апрел баргузор гардид, садо дод, хабар медиҳад АМИТ «Ховар».
Дар маҷлис масъалаҳои ҷамъбасти натиҷаҳои фаъолияти сохторҳои шаҳрии ҳизб дар семоҳаи якуми соли 2024 ва вазифаҳо барои давраи минбаъда, ҷараёни иҷрои Нақшаи чорабиниҳо бахшида ба 30-солагии таъсиси Ҳизби Халқии Демократии Тоҷикистон, тасдиқи Нақшаи чорабиниҳо оид ба амалӣ намудани дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, ки зимни мулоқот бо намояндагони аҳли ҷомеа ва ходимони дини мамлакат 9 марти соли 2024 дода шуданд ва дигар масъалаҳои дохилиҳизбӣ мавриди баррасӣ қарор дода шуданд.
Таъкид гардид, ки ташкилоти ибтидоии ҳизбии шаҳри Душанбе давоми семоҳаи якуми соли 2024 дар асоси санадҳои меъёрию ҳуқуқии соҳавӣ фаъолият намуда, дар ин самт якчанд тадбири муайяну муҳимро ба иҷро расониданд.
«Ҳоло дар ҳудуди шаҳри Душанбе 84 499 нафар дар 1007 ташкилоти ибтидоии ҳизбӣ фаъолият дошта, дар ин давра 14 ташкилоти ҳизбӣ таъсис дода шуд», — гуфта шуд дар маҷлис.
Иттилоъ дода шуд, ки дар семоҳаи аввали соли 2024 бо ҷалби аъзои фаъолу ҷонибдорони ҳизб, кумитаву ташкилоти ибтидоии ҳизбӣ, вакилону сокинон ва аъзои Ташкилоти ҷамъиятии ҷавонон «Созандагони Ватан» 8393 ҳашару шанбегии оммавӣ баргузор гардида, зимни онҳо 21 665 дарахту ниҳол ва 32 480 гули ороишии мавсимӣ шинонида шуд.
Дар фарҷом бо назардошти таклифу пешниҳодҳо аз рўйи масъалаҳои муҳокимашаванда қарорҳои дахлдор қабул гардиданд.
АКС: Кумитаи иҷроияи Ҳизби Халқии Демократии Тоҷикистон дар шаҳри Душанбе
Ҳамкории Тоҷикистон ва Иттиҳоди Аврупо дар самти ҳуқуқи инсон тақвият меёбад
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Оид ба татбиқи нақшаи амали Стратегияи миллии фаъолгардонии нақши занон дар Тоҷикистон конференсия доир шуд
Дар Институти геология, сохтмони ба заминҷунбӣ тобовар ва сейсмология Маркази мониторинги сейсмикӣ ба истифода дода шуд
Намояндагони Сафорати Тоҷикистон дар Федератсияи Русия бо донишҷӯёни тоҷик вохӯрӣ намуданд
Дар Душанбе масъалаи ифлосшавии ҳавои атмосферӣ дар мамлакат баррасӣ гардид
Дар Тоҷикистон барои беҳтар намудани хизматрасонии тиббӣ иқдоми нав амалӣ мегардад
Тоҷикистону Чин дар бахши тандурустӣ Ёддошти ҳамкории сеҷониба ба имзо расониданд
«БАҲОРИ ҶАВОНӢ — НАВРӮЗИ ҶАҲОНӢ». Дар вилояти Суғд Фестивали ҷумҳуриявии дӯстии ҷавонон оғоз гардид
МАСЪУЛИЯТ БАРОИ ТАЪЛИМУ ТАРБИЯИ КӮДАК. Судяҳои ноҳияи Фирдавсӣ бо волидону хонандагон вохӯрӣ намуданд
Дар Душанбе оид ба нақши занон дар эҳёи суннатҳои наврӯзӣ форуми байналмилалӣ баргузор гардид
Байни Тоҷикистон ва Узбекистон дар соҳаи таҳсилоти касбӣ Ёддошти тафоҳум ба имзо расонида шуд
