Дар Анқара ҷаласаи 12-уми Комиссияи байниҳукуматии Тоҷикистон ва Туркия оид ба ҳамкории иқтисодӣ доир гардид

ДУШАНБЕ, 29.05.2024 /АМИТ «Ховар»/. Дар Анқара таҳти роҳбарии Вазири саноат ва технологияҳои нави Ҷумҳурии Тоҷикистон  Шералӣ Кабир ва вазири саноат ва технологияи Ҷумҳурии Туркия Меҳмет Фатиҳ Каҷир ҷаласаи 12-уми Комиссияи байниҳукуматии Тоҷикистон ва Туркия оид ба ҳамкории иқтисодӣ баргузор гардид. Дар ин хусус АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон  иттилоъ медиҳад.

Дар ҷаласа, ки  масъулини вазорату идораҳо ва субъектҳои бахши хусусии ҳарду ҷониб иштирок  доштанд,  масъалаҳои мавриди таваҷҷуҳи тарафайн, аз ҷумла самтҳои асосии ҳамкорӣ дар соҳаҳои тиҷорату сармоягузорӣ, нақлиёт, саноат, энергетика, маориф, фарҳанг, тандурустӣ ва сайёҳӣ баррасӣ шуданд.

Аз натиҷаи ҷаласа протокол ва дигар санадҳои ҳамкорӣ ба имзо расиданд.

АКС: Вазорати саноат ва технологияҳои нави Ҷумҳурии Тоҷикистон