Дар Душанбе бахшида ба Рӯзи кормандони соҳаи стандартизатсия ва метрология конфронси ҷумҳуриявӣ доир шуд
ДУШАНБЕ, 25.05.2024. /АМИТ «Ховар»/. Бахшида ба Рӯзи кормандони соҳаи стандартизатсия ва метрология, ки 25 май муқаррар шудааст, дар Душанбе дар мавзуи «Нақши стандартонӣ ва метрология дар рушди саноат ва иқтисодиёти мамлакат» конфронси ҷумҳуриявӣ доир гардид, хабар доданд ба АМИТ «Ховар» дар Агентии «Тоҷикстандарт».
Муовини Сарвазири мамлакат Усмоналӣ Усмонзода кормандони соҳаро аз номи Ҳукумати Ҷумҳурии Тоҷикистон бо иби касбӣ табрик намуда, гуфт, ки пешрафти замони муосир тақозо менамояд, ки ниҳодҳои давлатӣ бо дастовардҳои нав ба нав ва дар ҳамбастагӣ барои татбиқи сиёсати Президенти Ҷумҳурии Тоҷикистон, муҳтарам Эмомалӣ Раҳмон ва дар ин замина баланд бардоштани сатҳи некӯаҳволии аҳолии мамлакат, таъмини рушду пешрафти босуботи иқтисоди миллӣ сайъ намоянд.
Иброз гардид, ки нақши Агентии «Тоҷикстандарт» дар таъмини сиёсати давлат дар самти стандартизатсия, метрология, сертификатсия ва беҳтар гардидани фаъолияти ҳамаҷонибаи соҳа назаррас аст.
Ҳадафи конфронс дар заминаи татбиқи амру супоришҳои Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати ҷумҳурӣ мусоидат ба рушди устувор ва ҳамгироии иқтисоди ватанӣ бо мақсади баланд бардоштани сатҳи некӯаҳволии мардум мебошад.
Гуфта шуд, ки фаъолияти Агентии «Тоҷикстандарт» ба татбиқи сиёсати давлату ҳукумати ҷумҳурӣ дар самти ҳифзи бозори истеъмолӣ, дастгирии рушди соҳибкорӣ дар таъминоти риояи қоидаҳои савдо, таъмини ченаки ягона ва ҳимояи ҳуқуқи истеъмолкунандагон равона гардидааст.
Агентии Тоҷикстандарт ҳамчун мақомоти марказии идоракунии ҳокимияти давлатӣ масъалаҳои сифат, бехатарии молу маҳсулот, кору хизматрасониро таҳти назорат қарор дода, ба рушди бемайлони соҳибкории хурду миёна, баланд бардоштани сифати маҳсулот, ҳифзи бозори истеъмолии мамлакат, таъминоти истифода ва риояи қоидаҳои савдо ва низоми ченаки ягона дар ҷумҳурӣ кор мебарад.
Иштирокдорони конфронс нақши стандартонӣ ва метрологияро ҳамчун узви муҳими низоми идоракунӣ дар татбиқи ҳадафҳои стратегии мамлакат ва дар ин замина дар такмили идоракунии истеҳсолот, баланд бардоштани сифати маҳсулот баҳри рушди саноату таъмини амнияти озуқаворӣ назаррас арзёбӣ намуданд.
АКС: Агентии «Тоҷикстандарт»
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
