Дар Душанбе дурнамои ҳамкории Бонки миллии Тоҷикистон бо Корпоратсияи байналмилалии молиявӣ баррасӣ шуд
ДУШАНБЕ, 30.05.2024 /АМИТ «Ховар»/. Масъалаҳои марбут ба ҳамкории дуҷониба байни Бонки миллии Тоҷикистон ва Корпоратсияи байналмилалии молиявӣ (IFC) дар мулоқоти Раиси Бонки миллии Тоҷикистон Фирдавс Толибзода бо ҳайати
Корпоратсияи байналмилалии молиявӣ (IFC) таҳти роҳбарии директори минтақавии департаменти иқтисодиёт ва хизматрасонии машваратӣ дар Шарқи Наздик, Осиёи Марказӣ, Туркия, Покистон ва Афғонистон хонум Илҳем Саломон дар Душанбе баррасӣ гардид. Дар ин хусус ба АМИТ «Ховар» дар Бонки миллии Тоҷикистон иттилоъ доданд.
Раиси Бонки миллии Тоҷикистон Фирдавс Толибзода аз сатҳи ҳамкорӣ бо IFC изҳори қаноатмандӣ намуда, саҳми Корпоратсияи байналмилалии молиявиро дар баланд бардоштани сатҳи идоракунии корпоративӣ дар бахши низоми бонкии мамлакат, такмили заминаи меъёрии ҳуқуқӣ, мусоидат ба рушди хизматрасонии муосири рақамии молиявӣ ва таҳияи стратегияи миллии густариши дастрасӣ ба хизматрасонии молиявӣ ба аҳолӣ махсус такид намуд.
Дар мулоқот ҳамзамон сатҳи раванди корҳо дар амалисозии лоиҳаҳои IFC «Маблағгузорӣ дар асоси дороиҳои манқул», «Дастгирии рушди рақамӣ ва инноватсионии бахши молиявии Ҷумҳурии Тоҷикистон» ва оғози лоиҳаҳои нав оид ба истифодаи энергияи зеризаминии геотермалӣ ва нақшаи татбиқи минбаъдаи онҳо муҳокима гардид.
Роҳбари ҳайати IFC хонум Илҳем Саломон аз тамоюли мусбати оморӣ ва нишондиҳандаҳои иқтисодиву низоми бонкӣ дар Тоҷикистон ибрози назар намуда, омодагии Корпоратсияи байналмилалии молиявиро дар дастгирии лоиҳаҳои минбаъда баён намуд.
Гуфта шуд, ки имзои Созишномаи ҳамкорӣ оид ба расонидани кумаки техникӣ байни Бокни миллии Тоҷикистон ва IFC вобаста ба такмили заминаи меъёрии ҳуқуқӣ ва мусоидат ба рушди хизматрасонии муосири рақамии молиявӣ мавриди баррасӣ қарор дорад.
АКС: Бонки миллии Тоҷикистон
Дар Хатлон масъалаи бунёди корхонаҳои саноатӣ баррасӣ карда шуд
Дар Тоҷикистон ба маблағи беш аз 13 миллиард сомонӣ маҳсулот истеҳсол гардидааст
Дар Душанбе масъалаи барӯйхатгирии соҳаи кишоварзӣ баррасӣ гардид
Бо мақсади омӯзиши тартиб ва меъёрҳои тарҳи ҳиссаҷудокунӣ ба фондҳои захиравии суғуртавӣ машғулият доир шуд
Вазъи макроиқтисодии Тоҷикистон дар мулоқот бо Директори Департаменти кишварҳои Ховари Миёна ва Осиёи Марказии ХБА баррасӣ шуд
Масоили мубрами макроиқтисодӣ дар мулоқоти ҳайати Тоҷикистон бо роҳбарияти Хазинаи Байналмилалии Асъор баррасӣ шуд
Ҳоким Холиқзода бо Антонелла Бассани вохӯрӣ намуд
ҚУРБИ АСЪОР: дар Тоҷикистон 1 евро аз 12.2403 то 11.9000 сомонӣ муқаррар шудааст
Вазири молияи Тоҷикистон бо роҳбарияти ширкати байналмилалии машваратии Alvarez & Marsal мулоқот намуд
Дар Душанбе вобаста ба содагардонии расмиёти савдо ҷаласа баргузор шуд
Имконоти низоми молиявии Тоҷикистон дар конфронси 23-юми солонаи Шурои шариатии AAOIFI муаррифӣ гардид
Дар Вашингтон ҷалби маблағгузорӣ ва татбиқи созишномаҳои молиявӣ барои идомаи сохтмони НБО «Роғун» баррасӣ шуд
