Дар Хуҷанд оид ба нақши Пешвои миллат дар ташаккули худшиносии миллии ҷавонон конференсия доир шуд

Май 9, 2024 13:31

ДУШАНБЕ, 09.05.2024. /АМИТ «Ховар»/.  Дар Коллеҷи тиббии шаҳри Хуҷанд таҳти унвони «Нақши созандаи Пешвои миллат дар ташаккули худшиносӣ ва ҳувияти миллии ҷавонон» конференсияи ҷумҳуриявии илмӣ-амалӣ баргузор гардид. ​ Дар ин хусус АМИТ «Ховар» бо истинод ба Коллеҷи тиббии шаҳри Хуҷанд хабар медиҳад.

Иброз гардид,  ки ҳамоиш ба 30-солагии қабули Конститутсияи Ҷумҳурии Тоҷикистон ва Соли маърифати ҳуқуқӣ бахшида шудааст.

Таъкид шуд, ки саҳифаҳои таърихи башар дар баробари ҳодисаву воқеаҳои гуногун аз корҳои нек ва хизматҳои мондагори нафароне ҳикоят мекунанд, ки зиндагӣ ва гуфтору кирдорашон ба сарнавишти миллионҳо одамон таъсир гузоштааст.

Дар таърихи соҳибистиқлолии мамлакат хизматҳои мондагори Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ҳарфҳои заррин сабт гардида, бо талошу кӯшишҳои Сарвари давлат Тоҷикистон аз вартаи нобудӣ раҳо ёфт ва ба давлати орому осуда ва рӯ ба рушд табдил ёфт. Мардуми мамлакат таҳти сарварии Пешвои миллат бо​ мақсаду ниятҳои олӣ ба хотири​ бунёди ҷомеаи демократӣ, озоду дунявӣ, расидан ба рӯзгори боз ҳам зебову пурсаодат кору зиндагӣ мекунанд. Давоми  ин солҳо Тоҷикистон бо суръати баланд рушду нумуъ ёфт, ободу зебо гардид, ба яке аз давлатҳои пешрафта ва дорои захираю имконияти бузурги иқтисодию иҷтимоӣ табдил шуд ва дар байни ҷомеаи ҷаҳонӣ ҷойгоҳи сазовор пайдо намуд.

Ба эътирофи тамоми мардуми мамлакат Президенти Тоҷикистон муҳтарам Эмомалӣ Раҳмон бо кору амал, талошҳо ва ҷоннисориҳо барои шаҳрвандон беҳтарин ва ноёбтарин неъмат-сулҳу субот ва Ваҳдати комилро фароҳам оварданд, ки сарчашмаи тамоми музаффарияти мо дар сиёсати давлатдорӣ ва асоси воқеии хушбахтиҳои халқи тоҷик аст.

Пешвои миллат таъкид намудаанд, ки «ҷавонони Тоҷикистони соҳибистиқлол неруи созандаи Ватан буда, нақши онҳо дар тараққиёти ҳамаи соҳаҳои ҳаёти давлат ва ҷомеа бисёр арзишманд ва назаррас мебошад».

Гуфта шуд, ки ҳадафи Сарвари давлат аз сарпарастӣ намудани озмунҳои «Илм–фурӯғи маърифат», «Тоҷикистон–Ватани азизи ман», «Фурӯғи субҳи доноӣ китоб аст», «Тоҷикон» — оинаи таърихи миллат», эълони ҷоизаҳои махсус дар риштаи илмҳои дақиқ ва олимпиадаву озмунҳои гуногуни сатҳи вилоятию ҷумҳуриявӣ тақвият бахшидани ҳувияти миллӣ, ҳисси ифтихор аз таъриху тамаддуни бостонии халқамон, боз ҳам баланд бардоштани сатҳи саводнокиву маърифатнокии мардум, қабл аз ҳама, наврасону ҷавонон ва тақвияти завқи зебоипарастии онҳо​ мебошад.

Пешвои миллат борҳо таъкид намудаанд, ки ҷавонони мамлакат дорои ҳисси баланди миллӣ ва эҳсоси гарми ватандӯстиву ватанпарварӣ буда, дар мубориза бо ҳама гуна хавфу хатарҳое, ки зидди давлату миллат мебошанд, омода буда, манфиатҳои миллиро аз ҳар манфиати дигар боло медонанд.

АКС: Коллеҷи тиббии шаҳри Хуҷанд

Май 9, 2024 13:31

Хабарҳои дигари ин бахш

Дар Душанбе вобаста ба иҷрои Барномаи миллии ташаккули тарзи ҳаёти солим ҷаласа баргузор гардид
Дар Душанбе Конфронси ҷумҳуриявӣ таҳти унвони «Ваҳдат – мароми модарон» баргузор шуд
Дар Душанбе вобаста ба хизматрасониҳои молиявӣ ва ҳуқуқи соҳибкорон конфронси ҷумҳуриявӣ доир гардид
Сафари Корвони «Модарони ваҳдатсаро» ба шаҳру ноҳияҳои ҷумҳурӣ оғоз гардид
Дар Озарбойҷон Конфронси байналмилалии ҳизбҳои сиёсӣ баргузор шуд
Фестивали дӯстии ҷавонон-2025 оғоз шуд
Бахшида ба Рӯзи ҷаҳонии донори хун дар Тоҷикистон маъракаи хунсупорӣ гузаронида шуд
Дар Женева масъалаи кушодани марказҳои раводиди давлатҳои Иттиҳоди Аврупо дар Тоҷикистон баррасӣ гардид
Бахшида ба ҷашни Ваҳдати миллӣ Корвони «Модарони ваҳдатсаро» ташкил мегардад
Дар Женева ҳамкорӣ байни Тоҷикистон ва Созмони байналмилалии меҳнат баррасӣ гардид
То соли 2028 ба ҳама шаклҳои бадтарини меҳнати кӯдакон дар Тоҷикистон хотима дода мешавад
Муовини Сарвазир бо рафти корҳои сохтмонии манзилҳои зист барои оилаҳои аз заминҷунбӣ зарардидаи ноҳияи Рашт шинос шуд