DUSHANBE GRAND SLAM 2024. Имрӯз ҷудочиён аз рӯи 5 вазн қувва меозмоянд
ДУШАНБЕ, 03.05.2024 /АМИТ «Ховар»/. Имрӯз, 3 май дар пойтахти Ҷумҳурии Тоҷикистон — шаҳри Душанбе дар Қасри теннис ва маҷмааи варзишҳои обӣ Мусобиқаи байналмилалии ҷудо «Dushanbe Grand Slam 2024» оғоз мегардад, хабар медиҳад АМИТ «Ховар».
Дар рӯзи якуми мусобиқа варзишгарон аз рӯи 5 вазн: — 48 кг, -52 кг, -57 кг байни занон ва -60 кг ва -66 кг байни мардон қувва меозмоянд.
Тоҷикистонро дар ин рӯз 14 ҷудочӣ муаррифӣ менамоянд.
Меҳрзод Суфиев дар вазни -60 кг дар даври аввал озод буда, дар даври дуюм бо ғолиби ҷуфти Анварҷон Иброҳимови узбек ва Изнаур Сааев (дастаи варзишгарони инфиродии бетараф) гӯштин мегирад.
Муҳаммадсолеҳ Қувватов дар вазни -60 кг бо Виҷай Кумар аз Ҳиндустон дар даври аввал неру месанҷад.
Муҳаммад Маҳмадизода дар вазни -60 кг бо Дук Тат Чу аз Ветнам дар даври аввал гӯштин мегирад.
Ҳақдод Гулов дар вазни -60 кг дар даври аввал озод буда, дар даври дуюм бо Петрос Кристодоулидес аз Кипр гӯштин мегирад.
Обид Ҷебов дар вазни -66 кг дар даври аввал озод буда, дар даври дуюм бо ғолиби ҷуфти Ҳаким Агаммамедов аз Туркманистон ва Сумия Лхагвасурен аз Муғулистон неру месанҷад.
Муллораҷаб Халифаев дар вазни -66 кг бо Мартин Сетз аз Олмон гӯштин мегирад.
Ёсин Бобокалонов дар вазни -66 кг дар даври аввал бо Абрек Нагучев (дастаи варзишгарони инфиродии бетараф) неру месанҷад.
Муқтадири Бобоҷон дар вазни -66 кг бо намояндаи дастаи варзишгарони инфиродии бетараф Иван Чернюх гӯштин мегирад.
Дар байни занон Райҳона Розиқзода дар вазни -48 кг бо Аманда Лимаи бразилӣ дар даври аввал қувва меозмояд.
Дар вазни -52 кг Аҳлия Муъминова бо Мариа Сидероти португалӣ, Насиба Карликова бо Софиа Асвестаи кипрӣ ва Мадина Қурбонзода бо Гулҳайё Ҷӯраеваи узбек неру месанҷанд.
Дар вазни -57 кило Фазилат Гулбоева бо Убасарт Маскарои испанӣ ва Раҳмия Ханҷарбекова бо Леле Наирнеи бритониёӣ дар даври аввал гӯштин мегиранд.
Варзишгарон дар ин мусобиқаи бонуфузи байналмилалӣ ба ҷуз аз медал соҳиби имтиёзҳо дар феҳристи ҷаҳонӣ ва олимпӣ мешаванд.
Маблағи умумии ҷоизаҳои молии мусобиқа 154 ҳазор евроро ташкил медиҳад. Ғолибон дар ҳар вазн (7 вазн байни мардон ва 7 вазн байни занон) бо 5000 евро, барандагони медали нуқра бо 3000 евро ва соҳибони медали биринҷӣ бо 1500 евро сарфароз мегарданд.
АКС: АМИТ «Ховар»
Хабарҳои дигари ин бахш
ФУТБОЛ. Имрӯз Чемпионати Тоҷикистон байни дастаҳои Лигаи якум оғоз мешавад
Дар Душанбе Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» доир мешавад
«РОҲИ АБРЕШИМ-2026». Мотосиклчиёни Тоҷикистон дар мусобиқаи байналмилалӣ соҳиби ҷойҳои намоён шуданд
Дастаи мунтахаби олимпии Тоҷикистон оид ба футбол ғолиби мусобиқаи байналмилалӣ дар Ҳиндустон гардид
Абубакр аз Тоҷикистон ва Ҷасур аз Узбекистон соҳиби шоҳҷоизаҳои мусобиқаи гӯштини миллӣ дар Кӯлоб шуданд
Дастаи мунтахаби Тоҷикистон оид ба футбол ба марҳилаи ниҳоии Ҷоми Осиё-2027 роҳ ёфт
БОЗИИ РӮЗ! Имрӯз бозии ниҳоии марҳилаи интихобии Ҷоми Осиё-2027 байни Тоҷикистон ва Филиппин доир мегардад
Гурӯҳи доварон аз Тоҷикистон бозии дастаҳои Сурия ва Афғонистонро ҳакамӣ мекунад
ҶОМИ ОСИЁ-2027. Пагоҳ бозии даври 6-уми марҳилаи интихобӣ байни дастаҳои мунтахаби Тоҷикистон ва Филиппин доир мешавад
Дастаи мунтахаби Тоҷикистон дар Чемпионати Осиё оид ба ҷудо дар Чин иштирок мекунад
Дар Бадахшон беҳтаринҳо дар гӯштин, волейбол ва дави наврӯзӣ муайян гардиданд
Ғолибони Шоҳҷоизаҳои Мусобиқаи гӯштини миллӣ (гӯштингирӣ) дар деҳаи Пушинги ноҳияи Данғара муайян шуданд
