ХИЗМАТ БА ВАТАН ШАРАФ АСТ. Фарзанди корманди АМИТ «Ховар» ба таври ихтиёрӣ ба хизмати ҳарбӣ рафт
ДУШАНБЕ, 15.05.2024 /АМИТ «Ховар»/. Тавре қаблан иттилоъ додем, имрӯзҳо дар саросари мамлакат даъвати баҳории шаҳрвандон ба хизмати ҳарбӣ муташаккилона идома дорад. Мувофиқи талаботи Қонуни Ҷумҳурии Тоҷикистон «Дар бораи уҳдадории ҳарбӣ ва хизмати ҳарбӣ» ва Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1997-2006-и Ҷумҳурии Тоҷикистон ба хизмати ҳарбӣ» чорабиниҳои даъвати баҳории шаҳрвандон ба хизмати ҳарбӣ якуми апрел шуруъ гардида, охири моҳи майи соли 2024 анҷом меёбанд.
Субҳи имрӯз фарзанди корманди АМИТ «Ховар» Тоҳир Саид — сокини шаҳри Душанбе Муҳаммадҷон Саидов барои иҷрои уҳдадории ҳарбӣ — қарзи шаҳрвандияш ба таври ихтиёрӣ ба сафи Қувваҳои Мусаллаҳи Ҷумҳурии Тоҷикистон рафт.
Муҳаммадҷон Саидов дирӯз имтиҳонҳои хатми Донишкадаи тарбияи ҷисмонии Тоҷикистон ба номи Саймумин Раҳимовро бомуваффақият супорид. Имрӯз бо ҳисси ифтихор аз ватандӯстӣ, иродаи қавӣ ва азму ҷаҳди ҷавонмардӣ баҳри ҳифзи манфиатҳои Ватан, бо умед аз ояндаи дурахшони сарзамин либоси ҳарбӣ ба бар намуд.
Падару модари Муҳаммадҷон — Тоҳир Саид ва Лутфинисо Каримова изҳор намуданд, ки фарзандашон дар Донишкадаи тарбияи ҷисмонӣ бо баҳои хубу аъло таҳсил намуд, дар ҳамаи чорабиниҳои мактаби олӣ фаъолона иштирок дошт, ҳамеша баҳри васеъ намудани донишҳои замонавӣ ва обутоб додани ҷисму тани худ машқ мекард.
Бешубҳа, хизмати аскарӣ барои Муҳаммадҷон Саидов мактаби бузурги ҷавонмардӣ, ҷасорату матонат, доштани иродаи қавӣ, наҳаросидан аз мушкилоти замона мегардад ва ӯ баъди адои хизмати ҳарбӣ фарди комили ҷомеа мегардад.
Ин амали Муҳаммадҷон Саидов барои дигар ҷавонону ҳамсолонаш намунаи ибрат буда, онҳо низ бояд бо иродаи қавӣ ва ба таври ихтиёрӣ ба ҳифзи Тоҷикистон — сарзамини аҷдодӣ, ки аз ҳавояш нафас кашида, дар домонаш парварида шудаанд, азм намоянд.
АКС: АМИТ «Ховар»
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
