Имконияти рушди ҷудо дар Тоҷикистон дар мулоқот бо мудири кулли Федератсияи байналмилалии ҷудо баррасӣ шуд
ДУШАНБЕ, 04.05.2024 /АМИТ «Ховар»/. Соҳаи варзиш дар Тоҷикистон ба шарофати дастгириҳои Президенти Ҷумҳурии Тоҷикистон муҳтарам Эмомалӣ Раҳмон дар даврони соҳибистиқлолӣ рушд ёфта, нақши муҳим касб намуд. Ин аст, ки варзишгарони тоҷик мунтазам аз ҷониби Сарвари давлат бо мукофотҳо қадрдонӣ мешаванд. Чунин гуфта шуд зимни мулоқоти Вазири саноат ва технологияҳои нави Ҷумҳурии Тоҷикистон Шералӣ Кабир ва Президенти Федератсияи ҷудои Тоҷикистон Исмоил Маҳмадзоир бо мудири кулли Федератсияи байналмилалии ҷудо Влад Маринеску, ки дар Душанбе баргузор гардид. Дар ин хусус ба АМИТ «Ховар» дар Вазорати саноат ва технологияҳои нави ҷумҳурӣ иттилоъ доданд.
Ҷонибҳо доир ба имконияти рушди ҷудо дар Тоҷикистон табодули андеша намуда, аҳамияти амалисозиву ҷорӣ намудани технологияҳои нав дар иншооти варзишии мамлакат мутобиқ ба талаботи энергияи «сабз» ва танзими мусобиқаҳои сайри ҷаҳонии ҷудо «Grand Slam»-ро дар Ҷумҳурии Тоҷикистон дар ҳамкорӣ бо Федератсияи байналмилалии ҷудо бо иштироки фаъоли корхонаҳои саноатии ватанӣ таъкид намуданд.
Ёдовар мешавем, ки бо дастгирии Раиси шаҳри Душанбе муҳтарам Рустами Эмомалӣ ва Федератсияи ҷудои Тоҷикистон бори аввал (3-5 майи соли 2024) дар пойтахти Тоҷикистон Мусобиқаи байналмилалии ҷудо «Dushanbe Grand Slam 2024» доир мегардад.
АКС: Вазорати саноат ва технологияҳои нави Ҷумҳурии Тоҷикистон
Ғолибони Шоҳҷоизаҳои Мусобиқаи гӯштини миллӣ (гӯштингирӣ) дар деҳаи Пушинги ноҳияи Данғара муайян шуданд
35 медали паралимпичиёни тоҷик бахшида ба 35-солагии Истиқлоли давлатӣ дар Фестивали байналмилалӣ дар шаҳри Сочии Русия
МУСОБИҚАИ АСПДАВОНӢ. Ин бозии миллӣ аз ҷумлаи расму ойинҳои Наврӯз аст
Дастаи мунтахаби олимпии Тоҷикистон (U-23) аввалин пирӯзиашро дар мусобиқаи байналмилалӣ дар Ҳиндустон ба даст овард
Дастаи мунтахаби наврасони Тоҷикистон (U-17) бо дастаи Чин бозиҳои дӯстона анҷом дод
Мадина Қурбонзода ва Абубакр Шеров соҳиби шоҳҷоизаҳои Мусобиқаи гӯштини миллӣ (гӯштингирӣ) дар ноҳияи Данғара шуданд
Мутахассиси беларусӣ ба ситоди мураббиёни дастаи мунтахаби Тоҷикистон оид ба футбол ҳамроҳ шуд
ФЕСТИВАЛИ БОЗИҲОИ МИЛЛИИ ВАРЗИШӢ. Дар он зиёда аз 50 намуд бозиҳои миллӣ намоиш дода мешаванд
Дастаи мунтахаби Тоҷикистон оид ба футбол машқҳои дастҷамъиро дар Душанбе оғоз кард
«DUSHANBE GRAND SLAM 2026». Аз 1 то 3 май дар Душанбе Мусобиқаи байналмилалӣ оид ба ҷудо доир мешавад
БОЗИҲОИ 20-УМИ ОСИЁ. Шаҳрҳои Нагая ва Аичии Ҷопон ин бозиҳоро мизбонӣ мекунанд
Субҳиддин Халилзода соҳиби Шоҳҷоизаи Мусобиқаи гӯштини миллӣ (гӯштингирӣ) гардид
