«МО НАСЛИ ХУШБАХТИ ЗАМОН». Бахшида ба Рӯзи байналмилалии ҳифзи кӯдакон дар Осорхонаи миллӣ ҷамъомади фарҳангӣ-фароғатӣ доир шуд
ДУШАНБЕ, 31.05.2024 /АМИТ «Ховар»/. «Мо насли хушбахти замон»- таҳти чунин унвон дар Осорхонаи миллӣ бахшида ба Рӯзи байналмилалии ҳифзи кӯдакон-1 июн бо иштироки 50 тарбиятгирандаи Муассисаи давлатии «Мактаб-интернати №1 барои кӯдакони ятим ва бепарастор»-и шаҳри Душанбе ҷамъомади фарҳангӣ-фароғатӣ баргузор гардид, хабар медиҳад АМИТ «Ховар» бо истинод ба Осорхонаи миллӣ.
Дар ҷамъомади фарҳангӣ-фароғатӣ директори Осорхонаи миллӣ Зафаршо Иброҳимзода иброз дошт, ки «кӯдакон неъмати бебаҳо, сармояи инсонӣ, ояндаи имрӯзу фардои оила ва миллат буда, ҳифзу ҳимоя ва ғамхорӣ нисбат ба онҳо вазифаи ҷонии фард, ҷомеа ва давлат мебошад. Аз ин лиҳоз иқдоми пайвастаи Ҳукумати Ҷумҳурии Тоҷикистон, махсусан Пешвои миллат муҳтарам Эмомалӣ Раҳмон ба таъмини ҳаёти осоиштаи кӯдакон ва риояи ҳуқуқу озодиҳои онҳо, дар руҳияи меҳру муҳаббат ба Ватан ва ҳамчун насли солиму созанда тарбия ёфтани кӯдакон равона гардидаанд.
Дар ҷараёни ҷамъомади фарҳангӣ –фароғатӣ бо мақсади болида гардонидани руҳияи кӯдакон ҳунармандону санъаткорони муассисаҳои давлатии «Филармонияи давлатии бачагонаи Тоҷикистон», «Маркази кӯдакон ва наврасони шаҳри Душанбе» ва «Сирки давлатӣ» бо барномаҳои ҷолибу рангин хотири дӯстрӯяконро шод намуданд.
Ҳамзамон аз ҷониби кормандони Осорхонаи миллӣ маҳфилҳои фарҳангии «Чеӽранигор», нақшу нигори гулҳо дар дастон «Ҳино», «Нақши аспсавори шӯх» ва бо қоғазҳои ранга омода намудани бозичаҳои гуногун баргузор гардид.
Дар анҷом аз ҷониби роҳбарияти Осорхонаи миллӣ ба тарбиятгирандагони муассиса туҳфаҳо тақдим шуданд.
АКС: Осорхонаи миллии Тоҷикистон
НИШАСТҲОИ МАТБУОТӢ. 21 июл дар вазорату идораҳои Тоҷикистон нишастҳои матбуотӣ оғоз мегарданд
«Қалъаи Хуҷанд» ба рӯйхати 10 мавзеи ҷолиби сайёҳии Тоҷикистон шомил гардидааст
Дар мавзеи Сари Майни ноҳияи Айнӣ корҳои омӯзишии бостоншиносӣ ва антропологӣ оғоз ёфт
Санъаткорони Қирғизистон Осорхонаи миллии Тоҷикистонро тамошо карданд
Дар Душанбе бо мақсади рушди ҳамкорӣ дар самти илмҳои яхшиносӣ вохӯрӣ баргузор гардид
Ба Маркази мероси хаттӣ беш аз 100 нусха китобҳои чопи сангӣ ва дастнависҳо тақдим гардид
«ШОҲНОМА». Фирдавсӣ дар сар то сари ин асари безавол дӯст доштани Ватанро таъкид мекунад
Беш аз 23 ҳазор нусха китобҳои Китобхонаи миллии Тоҷикистон ба шаҳру ноҳияҳои ҷумҳурӣ фиристода шуд
«ДӮСТИИ АБАДӢ». Таҳту чунин унвон барномаи фарҳангии Тоҷикистон ва Қирғизистон доир мегардад
Собиқ Вазири фарҳанги Ҷумҳурии Тоҷикистон Тамара Абдушукурова аз олам даргузашт
Ҷаласаи вазирони фарҳанги давлатҳои аъзои Созмони ҳамкории Шанхай доир гардид
Имсол дар Академияи миллии илмҳои Тоҷикистон 8 озмоишгоҳи замонавӣ ба истифода дода шуд
