«Сомон Эйр» дар масири Хуҷанд-Урумчӣ-Хуҷанд парвозҳои мустақим анҷом медиҳад
ДУШАНБЕ, 02.05.2024 /АМИТ «Ховар»/. Ширкати ҳавопаймоии «Сомон Эйр» тасмим гирифтааст, ки дар масири Хуҷанд-Урумчӣ-Хуҷанд парвози мустақим ба роҳ монад. Дар ин хусус ба АМИТ «Ховар» дар ширкати ҳавопаймоии «Сомон Эйр» иттилоъ доданд.
Парвози нахустин аз Хуҷанд ба Урумчӣ 16 май ба роҳ монда мешавад. Парвозҳо аз Хуҷанд ба Урумчӣ ҳафтае як маротиба- рӯзҳои панҷшанбе ва дар самти баргашт рӯзҳои ҷумъа тариқи ҳавопаймоҳои Boeing 737-800 ва Boeing 737-900 амалӣ мегарданд. Вақти парвоз аз Хуҷанд ба Урумчӣ соати 21:00 ва аз Урумчӣ ба самти Хуҷанд соати 04:00 ба вақти маҳаллӣ мебошад.
Дар айни замон ширкати ҳавопаймоии «Сомон Эйр» аз Душанбе ба Урумчӣ рӯзҳои сешанбе ва ҷумъа парвозҳо анҷом медиҳад.
Ширкати ҳавопаймоии «Сомон Эйр» ҳамзамон парвозҳоро аз Тоҷикистон ба Олмон, Аморати Муттаҳидаи Араб, Туркия, Чин, Ҳиндустон, Арабистони Саудӣ, Эрон, Русия, Қазоқистон ва Узбекистон муваффақона анҷом медиҳад. Парки ширкат аз ҳавопаймоҳои Boeing 737-800 ва Boeing 737-900 иборат мебошад.
АКС аз манбаъҳои боз
Дар Тоҷикистон дар ҷашни 20-солагии Истиқлолияти давлатӣ дарозтарин парчам омода гардид
«БОНУИ ҲУНАР». Дар Душанбе 30 нафар занону духтарон ба касбомӯзӣ ҷалб гардиданд
Кормандони Хадамоти назорати давлатии тандурустӣ ва ҳифзи иҷтимоии аҳолӣ Рӯзи Парчами давлатиро бошукуҳ таҷлил намуданд
«НАҚШИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАШАККУЛИ ДАВЛАТДОРИИ МИЛЛӢ». Таҳти ин унвон конференсияи байналмилалӣ доир шуд
Кумитаи ҳолатҳои фавқулода ва мудофиаи гражданӣ аз омадани сел дар баъзе минтақаҳои Тоҷикистон ҳушдор медиҳад
Дар шаҳри Омск Форуми 4-уми сарварони ҷавони Русия ва давлатҳои Осиёи Марказӣ оғоз ёфт
Ҷумҳурии Тоҷикистон 67-умин давлат дар самти манъи ҷазои ҷисмонӣ нисбат ба кӯдак гардид
35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Хоруғ Маркази стоматологӣ кушода шуд
Агентии обуҳавошиносии Тоҷикистон бо Агентии байналмилалии энергияи атомӣ Ёддошти тафоҳум ба имзо расонид
Дар вилояти Хатлон ҷаласаи корӣ оид ба вазъи зимистонгузаронӣ доир шуд
Дар шаҳри Истаравшан Маркази саломатӣ ба истифода дода шуд
