Ҳамкории Тоҷикистон ва Чин дар соҳаи обу энергетика густариш меёбад

Июнь 13, 2024 09:36

ДУШАНБЕ, 13.06.2024 /АМИТ «Ховар»/. 12 июн дар ҳошияи Конфронси сеюми байналмилалии сатҳи баланд оид ба татбиқи Даҳсолаи байналмилалии амал «Об барои рушди устувор, солҳои 2018-2028» вохӯрии Вазири энергетика ва захираҳои оби Ҷумҳурии Тоҷикистон Далер Ҷумъа бо муовини Вазири захираҳои оби Ҷумҳурии Мардуми Чин Сзу Лейминг баргузор гардид. Дар ин хусус ба АМИТ «Ховар» дар Вазорати энергетика ва захираҳои оби Ҷумҳурии Тоҷикистон иттилоъ доданд.

Дар вохӯрӣ доир ба истифодаи оқилонаи захираҳои об, гузаронидани таҳқиқот ва коркардҳои муштараки илмӣ дар соҳаи идоракунии самаранок ва истифодаи оқилонаи захираҳои об, таъмини бехатарии иншооти гидротехникӣ ва беҳтар кардани ҳолати мелиоративии заминҳои обёришаванда, кам кардани таъсири тағйирёбии иқлим, таҳия ва татбиқи якҷояи лоиҳаҳо дар соҳаи хоҷагии об ва ҷалби маблағҳои гуногуни молиявӣ барои татбиқи онҳо мубодилаи афкор шуд.

Ҷонибҳо ҳавасмандиашонро барои мубодилаи иттилоот, таҷриба дар соҳаи истифодаи технологияҳои сарфаи об, усулҳои пешрафтаи обёрӣ, техникаи обёрӣ, ченкунӣ ва баҳисобгирии об, тайёр кардани мутахассисон барои соҳаи об, ташкил ва гузаронидани чорабиниҳои муштараки байналмилалӣ ва минтақавӣ вобаста ба Даҳсолаи байналмилалии амал «Об барои рушди устувор, солҳои 2018-2028» ва мусоидат ба пешбурди ҳадафҳои ин ташаббуси Тоҷикистон баён доштанд.

АКС: Вазорати энергетика ва захираҳои оби Ҷумҳурии Тоҷикистон

Июнь 13, 2024 09:36

Хабарҳои дигари ин бахш

Дар Тоҷикистон дар соҳаи энергетика 11 лоиҳаи давлатии сармоягузорӣ татбиқ мешавад
То охири соли равон 900 гектар заминҳои аз гардиши кишоварзӣ берунмонда барқарор мегардад
Тоҷикистон дар шаш моҳи соли равон беш аз 131 ҳазор тонна маҳсулоти кишоварзӣ содирот намудааст
СОЛИ БАЙНАЛМИЛАЛИИ ҲИФЗИ ПИРЯХҲО. Дар Кумитаи ҳифзи муҳити зист Гурӯҳи кории байниидоравӣ таъсис дода шудааст
Захираи барф дар ҳавзаҳои дарёҳои Қизилсу, Ёхсу, Обихингоб, Сурхоб, Камароб ва Кофарниҳон нисбат ба ҳамин давраи соли гузашта 16 фоиз кам шудааст
НИШАСТИ МАТБУОТӢ. Ҳаҷми умумии маҳсулоти кишоварзӣ аз ҳиссаи хоҷагиҳои ҷамоавӣ ва деҳқонӣ 56 фоизро ташкил медиҳад
Дар соҳаи нақлиёт 12 лоиҳаи сармоягузорӣ ба маблағи 1,1 миллиард доллари амрикоӣ татбиқ мегардад
Тоҷикистон ва Арабистони Саудӣ ҳамкории дуҷонибаро таҳким мебахшанд
Ба Тоҷикистон низоми муосири баҳисобгирии дороиҳои роҳҳо «ROMDAS» ворид карда шудааст
«Тоҷикаэронавигатсия»: «Дар шаш моҳи соли равон шумораи парвозҳои транзитӣ афзуда, дар муқоиса ба ҳамин давраи соли гузашта 70,5 фоиз зиёд гардидааст»
Фурудгоҳҳои байналмилалии Тоҷикистон дар соли равон ба зиёда аз 1,6 миллион мусофир хизмат расонидаанд
Тоҷикистону Узбекистон ҷиҳати бехатарии молу маҳсулот ва баҳодиҳии мутобиқат нақшаи корӣ таҳия намуданд