Дар Женева Конфронси ҷаҳонӣ оид ба бакорҷалбкунии байналмилалӣ доир гардид
ДУШАНБЕ, 14.06.2024 /АМИТ «Ховар»/. 10-11 июн бо ташаббуси Созмони байналмилалии муҳоҷират дар шаҳри Женева Конфронси ҷаҳонӣ оид ба бакорҷалбкунии байналмилалӣ бо иштироки роҳбарият ва намояндагони сохторҳои дахлдори 60 кишвар ва созмонҳои байналмилалӣ баргузор гардид, ки дар он ҳайати Вазорати меҳнат, муҳоҷират ва шуғли аҳолии Ҷумҳурии Тоҷикистон бо роҳбарии муовини вазир Шаҳноза Нодирӣ иштирок намуд. Дар ин хусус ба АМИТ «Ховар» дар Вазорати меҳнат, муҳоҷират ва шуғли аҳолии ҷумҳурӣ хабар доданд.
Дар конфронс масоили ҳимояи ҳуқуқи муҳоҷирони меҳнатӣ, муҳоҷирати қонунӣ, кафолати ҳуқуқи муҳоҷирон ҳангоми бакорҷалбкунӣ, тақвияти фаъолияти Шабакаи ҷаҳонии сиёсати муҳоҷират, касбомӯзии муҳоҷирони меҳнатӣ ва эътирофи салоҳияти касбӣ мавриди баррасӣ қарор гирифт.
Зимни ҷаласа намояндагони кишварҳои иштирокдор дарёфти бозорҳои нав барои муҳоҷирони меҳнатӣ, бакорҷалбкунии қонунии муҳоҷирон, ҳифзи ҳуқуқҳои онҳо, пешгирӣ аз савдои одамон, диверсификатсияи муҳоҷирати меҳнатӣ ва ҳамоҳангсозии фаъолиятро дар самти пешбурди сиёсати муҳоҷират муҳим арзёбӣ намуданд.
АКС: Вазорати меҳнат, муҳоҷират ва шуғли аҳолии Ҷумҳурии Тоҷикистон
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
