Намояндаи Тоҷикистон дар Конфронси 12-уми вазирони сайёҳии Созмони ҳамкории исломӣ иштирок намуд
ДУШАНБЕ, 03.06.2024 /АМИТ «Ховар»/. Раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод дар Конфронси 12-уми вазирони сайёҳии Созмони ҳамкории исломӣ таҳти унвони «Хива – пойтахти сайёҳии ҷаҳони ислом дар соли 2024», ки 1-2 июн дар шаҳри Хиваи Ҷумҳурии Узбекистон баргузор шуд, иштирок ва суханронӣ намуд. Дар ин хусус АМИТ «Ховар» бо истинод ба Кумитаи рушди сайёҳӣ хабар медиҳад.
Дар конфронс Дабири кулли Созмони ҳамкории исломӣ Ҳусейн Иброҳим Тоҳа, Дабири кулли Созмони ҳамкории иқтисодӣ Хусрав Нозирӣ, меҳмонони воломақом, вазирони сайёҳии кишварҳои аъзои Созмони ҳамкории исломӣ ва намояндагони воситаҳои ахбори омма иштирок намуданд.
Дар ҷараёни конфронс ду иҷлосияи корӣ баргузор карда шуд.
Дар иҷлосияи якум рӯзнома ва барномаи кории конфронс қабул гардида, ҳисоботи роҳбари Конфронси 11-уми вазирони сайёҳии Созмони ҳамкории исломӣ ва инчунин маърузаҳои намояндагони кишварҳои аъзои Созмон шунида шуд.
Дар қисми дуюми иҷлосияи корӣ изҳороти вазирон ва роҳбарони ҳайатҳо шунида шуда, қарорҳо баҳри рушди минбаъдаи соҳаи сайёҳӣ дар фазои Созмони ҳамкории исломӣ қабул гардиданд.
Илова бар ин сана ва макони баргузории Конфронси 13-уми вазирони сайёҳии Созмони ҳамкории исломӣ муайян гардида, шаҳрҳои сайёҳӣ барои солҳои 2025, 2026 ва 2027 аз ҷониби котиботи Созмон эълон карда шуданд.
Дар фарҷом эъломияи Конфронси 12-уми вазирони сайёҳии Созмони ҳамкории исломӣ қабул гардид.
АКС: Кумитаи рушди сайёҳии назди Ҳукумати Ҷумҳурии Тоҷикистон
Масъалаи таҳвили нафт ва маҳсулоти нафтӣ аз Эрон ба Тоҷикистон баррасӣ шуд
Сарвазири Гурҷистон аз Намоишгоҳи молу маҳсулоти кишоварзӣ ва саноати хӯроквории Тоҷикистон боздид намуд
Дар Бишкек масъалаи татбиқи лоиҳаи Хати лӯлаи гази транзитии «Осиёи Марказӣ – Чин» баррасӣ шуд
Сарвари давлат Эмомалӣ Раҳмон дар ноҳияи Ховалинг Деҳкадаи сайёҳиро ифтитоҳ намуданд
Байни Тоҷикистон ва Гурҷистон Ёддошти тафоҳум оид ба ҳамкорӣ дар соҳаи кишоварзӣ ба имзо расид
Муколамаи вазирони энергетика дар қолаби «Русия + Осиёи Марказӣ» баргузор шуд
Байни Тоҷикистон ва Гурҷистон Созишнома ҳамкорӣ дар соҳаи алоқаи ҳавоӣ ба имзо расид
Муовини Сарвазири Тоҷикистон бо фаъолияти кишоварзони ноҳияи Бобоҷон Ғафуров шинос шуд
Вазирони энергетикаи Тоҷикистон ва Қирғизистон лоиҳаҳои «CASA-1000» ва «REMIT»-ро дар Бишкек баррасӣ намуданд
Дар Намоишгоҳи байналмилалии савдо ва сармоягузории «Суғд – 2026» беш аз 200 ширкати ватанӣ иштирок намуданд
Дар Тоҷикистон низоми муосири электронии мубодилаи сертификатҳои фитосанитарӣ татбиқ мегардад
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ дар соли 2026 баргузор шуд
