ПЕШВОИ ЯТИМПАРВАРИ МИЛЛАТ. Барои 50 нафар ятими кулл — сарбозони Артиши миллӣ саёҳат ба мавзеъҳои ҷолиби шаҳрҳои Ҳисор ва Душанбе ташкил гардид
ДУШАНБЕ, 26.06.2024 /АМИТ «Ховар»/. 25 июн барои 50 нафар ятими кулле, ки дар сафи Қувваҳои Мусаллаҳи Ҷумҳурии Тоҷикистон адои хизмат намуда истодаанд, саёҳат ба мавзеъҳои ҷолиби шаҳри Ҳисор ва пойтахти мамлакат ташкил гардид. Ин иқдом дар доираи нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Вазорати мудофиаи Ҷумҳурии Тоҷикистон бахшида ба таҷлили Рӯзи Ваҳдати миллӣ амалӣ гардид, хабар медиҳад мухбири АМИТ «Ховар».
Дар суҳбат бо сарбозон намояндагони Кумитаи кор бо ҷавонон ва варзиш, Вазорати мудофиа иброз доштанд, ки ин иқдом дар ҳошияи ғамхориҳои пайвастаи Асосгузори сулҳу ваҳдати миллӣ — Пешвои ятимпарвари миллат, Президенти мамлакат муҳтарам Эмомалӣ Раҳмон ташкил гардид. Ёдоварӣ шуд, ки Пешвои миллат ба насли ояндасози мамлакат умеду боварӣ ва ифтихор дошта, аз ҷумла иброз намуданд, ки «мо бо ҷавонони мамлакати худ ифтихор дорем, зеро онҳо дар рушди давлат ва ободии Ватан фаъолона саҳм мегузоранд, марзу буми сарзамини аҷдодиро ҳимоя мекунанд, ватандӯсту ватанпараст, бонангу номусанд ва ба халқу давлати Тоҷикистон содиқ мебошанд».
Сарбозон иброз доштанд, ки барояшон мояи ифтихор аст, ки дар чунин Ватани орому осуда ва дорои таъриху фарҳанги бой, табиати зебо ва мардуми тамаддунофар зиндагӣ доранд. «Мо худамонро ҳаргиз ятим эҳсос намекунем, зеро Президенти мамлакат муҳтарам Эмомалӣ Раҳмон падари маънавӣ мост. Ҳар лаҳза дастгирию ғамхориҳои Пешвои ятимпарвари миллатамонро эҳсос мекунем. Мо фарзандони Ватан ҳастем, онро дӯст медорем ва барои хизматаш ҳамеша омода ҳастем», — гуфтанд онҳо.
Сарбозон Боғи фарҳангӣ-фароғатии шаҳри Ҳисор, «Қалъаи Ҳисор ва дигар мавзеъҳои ҷолиби шаҳрро тамошо карданд. Сипас барои онҳо дастурхони идона густурда шуд, ки гирди он сарбозон оид ба шароити хуби хизмат ва нақшаҳои ояндаашон суҳбат намуданд.
Саёҳати сарбозон дар пойтахти мамлакат-шаҳри Душанбе идома ёфт. Онҳо ба тамошои Осорхонаи миллӣ рафта, бо осори таърихию фарҳангии миллати тоҷик шинос шуданд. Ташкили тамошои «Боғи Рӯдакӣ» ва тавасссути автобусҳои дуошёна сайри Душанбе барои онҳо хотирмону фароғатбахш гардид. Онҳо ҳамчунин дар барномаи фарҳангӣ, ки дар боғи ба номи Айнӣ ташкил гардида буд, иштирок намуданд.
Имрӯз бо иштироки ин сарбозон дар Осорхонаи миллии Ҷумҳурии Тоҷикистон таҳти унвони «Ваҳдати миллӣ дар ҳаёти осоиштаи ҷавонон» ҳамоиш доир гардид.
Дар фарҷоми ҳамоиш сарбозон бо туҳфаҳои хотиравии Раёсати кор бо ҷавонон ва варзиши шаҳри Душанбе қадрдонӣ гардиданд.
Зоҳирҷони ТОИРЗОД,
АМИТ «Ховар»
Эмомалӣ Раҳмон: «Тавоноии миллату давлат бо устувориву пойдории мавҷудияти ваҳдати миллӣ ва сулҳу субот пайванди ногусастанӣ дорад»
Вазири тандурустӣ ва ҳифзи иҷтимоии аҳолии Тоҷикистон дар шаҳри Урумчии Чин бо донишҷӯёни тоҷик вохӯрӣ анҷом дод
«МО БО ШУМО ИФТИХОР МЕКУНЕМ!». Таҳти чунин унвон ҳайати гурӯҳи кории Кумитаи кор бо ҷавонон ва варзиш бо афсарону сарбозон вохӯрӣ намуд
Қабул шудани Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» иқдоми зарурӣ ба саривақтӣ мебошад
Сарвари давлат: «Қаҳрамони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
Намояндагони Тоҷикистон дар Фестивали ҷаҳонии ҷавонон дар Узбекистон иштирок доранд
Сардори Хадамоти иҷро Барно Саидвализода: «Ягона омили муассири ҳаёти осоишта ва рӯзгори равшану босаодат ваҳдат ва сулҳу ҳамдилӣ мебошад»
Кумитаи ҳолатҳои фавқулода ва мудофиаи гражданӣ: «Баъзе аз шаҳрвандон қоидаҳои бехатариву амниятро риоя намекунанд»
Ҷавонони Тоҷикистон дар Форуми ҷаҳонии ҷавонони Узбекистон иштирок мекунанд
ОГОҲИИ АГЕНТИИ ОБУҲАВОШИНОСӢ. Аз 26 то 28 июн дар Тоҷикистон ҳавои номусоид дар назар аст
Конфронси байналмилалии «Тоҷикистон-Чин: ҳолат ва дурнамои шарикии ҳамаҷонибаи стратегӣ дар давраи нав» ба кори худ оғоз намуд
Сарвазири Тоҷикистон Қоҳир Расулзода дар ноҳияи Нуробод бо ҷараёни корҳои бартарафсозии офати табиӣ ва раванди тадбирҳои ободонӣ шинос шуд
