Тавсеаи ҳамкорӣ дар самти саноат ва иқтисоди «сабз» байни Тоҷикистон ва Иттиҳоди Аврупо баррасӣ гардид
ДУШАНБЕ, 03.06.2024. /АМИТ «Ховар»/. Дар мулоқоти муовини якуми Раиси Палатаи савдо ва саноати Тоҷикистон Насимҷон Анваров бо мушовири Директорати генералии ҳамкории байналмилалии Комиссияи Иттиҳоди Аврупо Ҳенрик Ҳололей тавсеаи ҳамкорӣ дар соҳаҳои тиҷорату иқтисод, саноат, иқтисоди «сабз», рақамикунонӣ, энергетика, нақлиёту логистика ва муҳити зист байни Тоҷикистон ва Иттиҳоди Аврупо баррасӣ шуд. Дар ин хусус ба АМИТ «Ховар» дар Палатаи савдо ва саноати ҷумҳурӣ хабар доданд.
Изҳор гардид, ки Ҷумҳурии Тоҷикистон Иттиҳоди Аврупоро шарики рушди боэътимод ва муҳим барои расидан ба ҳадафҳои стратегии мамлакат ва рушди иқтисодию иҷтимоӣ меҳисобад.
Ҳамзамон оид ба дастовардҳои Ҷумҳурии Тоҷикистон дар ин самтҳо маълумоти муфассал пешниҳод карда шуд.
Ҳенрик Ҳололей дастовардҳои Ҷумҳурии Тоҷикистонро дар роҳи расидан ба ҳадафҳои стратегии рушди давлат муваффақ арзёбӣ карда, омодагиашро барои дастгирии соҳаҳои афзалиятноки Тоҷикистон баён намуд.
Дар анҷоми мулоқот ҷонибҳо барои минбаъд густариш додани ҳамкории дуҷониба изҳори омодагӣ намуданд.
АКС: Маркази матбуоти Палатаи савдо ва саноати Ҷумҳурии Тоҷикистон
Сарраёсати Вазорати молия дар вилояти Хатлон ба маблағи 7 миллион сомонӣ камбудии молиявӣ ошкор намуд
НИШАСТИ МАТБУОТӢ. Барои риоя накардани талаботи бехатарии саноат 226 нафар ба ҷавобгарии маъмурӣ кашида шуданд
НИШАСТИ МАТБУОТӢ. Дар 824 деҳаи Тоҷикистон таҳқиқоти муҳандисию геологӣ гузаронида шуд
Дар корхонаҳои саноатии Мастчоҳ ба маблағи беш аз 410 миллион сомонӣ маҳсулот истеҳсол гардид
ТАҒЙИРЁБИИ ИҚЛИМ. Дар Тоҷикистон Стратегияи миллии мутобиқшавӣ ба тағйирёбии иқлим амалӣ мегардад
Ҳоким Холиқзода бо муовини Президенти Агентии ҳамкории байналмилалии Ҷопон мулоқот намуд
Дар Мурғоб неругоҳи хурди офтобӣ бо иқтидори 1300 кВт ба истифода дода шуд
Дар Душанбе нахустин мағоза бо бренди «Тоҷикзамин» ифтитоҳ гардид
Масъалаи харидории ҳавопаймоҳои «COMAC» ва парвозҳои нав ба шаҳрҳои Чин муҳокима гардид
26 ЯНВАР — РӮЗИ БАЙНАЛМИЛАЛИИ ЭНЕРГИЯИ ТОЗА. Тоҷикистон дар ҷаҳон яке аз давлатҳои пешсаф дар самти истеҳсоли энергияи тоза аст
Масъалаи ҷалби сармояи Индонезия ба иқтисоди Тоҷикистон баррасӣ шуд
РУШДИ ҲУКУМАТИ ЭЛЕКТРОНӢ. Портали khizmat.ehukumat.tj ба шаҳрвандон 60 номгӯй хизматрасонӣ пешниҳод менамояд
