«ЗАН-САРВАР». 20 нафар хатмкунандагони даври омӯзишӣ соҳиби Шаҳодатнома гардиданд
ДУШАНБЕ, 13.06.2024 /АМИТ «Ховар»/. 11 июн дар Академияи миллии илмҳои Тоҷикистон ба 20 хатмкунандаи даври аввали омӯзишии «Зан-сарвар» Шаҳодатнома тақдим гардид. Дар ин хусус ба АМИТ «Ховар» дар Академияи миллии илмҳои Тоҷикистон иттилоъ доданд.
Гуфта шуд, ки дар заминаи Академияи миллии илмҳои Тоҷикистон Шурои занон ва духтарон фаъолият менамояд. Бо ташаббуси он дар байни занону духтарони академия даври омӯзишии «Зан-сарвар» гузаронида шуд.
Шуруъ аз оғози фаъолият дар ин давр аз тамоми ниҳодҳои илмӣ 34 нафар иштирок намуда, аз суҳбати заноне, ки дар ҳаёти сиёсии мамлакат нақши устувор гузоштаанд, баҳравар гардиданд.
Президенти Академияи миллии илмҳои Тоҷикистон, узви вобаста Қобилҷон Хушвахтзода иброз намуд, ки таҳти роҳбарии Президенти Ҷумҳурии Тоҷикистон муҳтарам Эмомалӣ Раҳмон давлату Ҳукумати мамлакат тавонист, ки ба беҳбуди вазъи занон таваҷҷуҳи хосса зоҳир намояд. Маҳз бо сиёсати Сарвари давлат нақши занону духтарон дар ҳаёти сиёсиву иҷтимоии мамлакат муҳим арзёбӣ мегардад.
Таъкид гардид, ки Ҳукумати ҷумҳурӣ дар замони соҳибистиқлолӣ нақши занонро дар ҷомеа марҳила ба марҳила баланд бардошта, барои таҳсил ва фаъолияти онҳо дар ниҳодҳои гуногуни давлатӣ тамоми имкониятро фароҳам овардааст.
АКС: Академияи миллии илмҳои Тоҷикистон
Корҳои сохтмонӣ дар бинои истиқоматӣ барои кормандони Кумитаи телевизион ва радио оғоз шудааст
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Имрӯз дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
Имрӯз дар шаҳри Душанбе ҳаво то 39 дараҷа гарм мешавад
Ғиёсиддин Ашӯрзода раиси Ҳизби ислоҳоти иқтисодии Тоҷикистон интихоб гардид
Дар ноҳияи Данғара вохӯрии масъулин бо сокинон бо усули «Маҳал ба маҳал» ва «Деҳа ба деҳа» баргузор гардид
Имрӯз дар баъзе аз минтақаҳои Тоҷикистон хавфи омадани сел боқӣ мемонад
