Агентии обуҳавошиносӣ: «Ҳавои моҳи июли имсола ба соли 2014 монанд мебошад»
ДУШАНБЕ, 01.07.2024 /АМИТ «Ховар»/. Моҳи июли соли равон дар Тоҷикистон ҳаво аз меъёри иқлимӣ 1 дараҷа баландтар пешгӯӣ шуда, рӯзҳои алоҳида дар ноҳияҳои ҷануби мамлакат ҳаво то 44 дараҷа гарм мешавад. Ҳавои моҳи июли имсола ба соли 2014 монанд мебошад.
Тавре дар Агентии обуҳавошиносии мамлакат ба АМИТ «Ховар» иттилоъ доданд, дар моҳи июл боришот аз меъёри иқлимӣ кам пешгӯӣ мешавад. Дар нимаи дуюми моҳ боронҳои кӯтоҳмуддат ва ба амал омадани раъду барқ дар назар аст.
Моҳи июл дар ноҳияҳои тобеи ҷумҳурӣ ва шаҳри Душанбе ҳаво аз 25 то 42 дараҷа гарм мешавад.
Дар водиҳои вилояти Хатлон моҳи июл ҳаво аз 31 то 42 дараҷа гарм, дар ноҳияҳои ҷанубӣ то 44 дараҷа гарм ва дар доманакӯҳҳо аз 27 то 38 дараҷа гармӣ пешгӯӣ мешавад.
Дар вилояти Суғд ҳаво аз меъёри иқлимӣ 1 дараҷа баландтар пешгӯӣ шуда, дар ноҳияҳои водию доманакӯҳӣ ҳаво то 29 дараҷа гарм, дар ноҳияҳои кӯҳӣ гармӣ то 19 дараҷаро ташкил медиҳад. Дар давоми моҳ ҳавои тағйирёбанда пешгӯй шуда, дар водиҳо аз 31 то 41 дараҷа гарм, дар ноҳияҳои кӯҳӣ аз 20 то 32 дараҷа гарм мешавад. Миқдори моҳонаи боришот аз меъёри иқлимӣ кам ва дар ноҳияҳои алоҳидаи кӯҳӣ аз меъёри иқлимӣ зиёдтар пешгӯӣ мешавад. Дар баъзе ноҳияҳои водибуда чангу ғубор ба амал меояд.
Дар ғарби Вилояти Мухтори Кӯҳистони Бадахшон ҳаво то 23 дараҷа гарм дар назар аст. Дар давоми моҳ аз 23 то 35 дараҷа гарм ва дар баъзе ноҳияҳо то 39 дараҷа гарм мешавад. Боришоти борон ва ба амал омадани раъду барқ дар рӯзҳои алоҳидаи моҳ дар назар аст.
Моҳи июл дар шарқи Вилояти Мухтори Кӯҳистони Бадахшон ҳаво то 14 дараҷа гармиро ташкил медиҳад. Ҳаво рӯзона аз 10 то 22 дараҷа ва шабона аз 6 то 13 дараҷа гарм дар назар дошта шудааст. Дар рӯзҳои алоҳида боридани борон дар назар аст.
АКС: АМИТ «Ховар»
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
