Маҳмадтоир Зокирзода дар кори Анҷумани X парлумонии БРИКС дар шаҳри Санкт Петербург иштирок намуд
ДУШАНБЕ, 12.07.2024 /АМИТ «Ховар»/. 11 июл ҳайати парлумонии Маҷлиси намояндагони Маҷлиси Олии Ҷумҳурии Тоҷикистон таҳти роҳбарии Раиси Маҷлиси намояндагон Маҳмадтоир Зокирзода дар кори Анҷумани X парлумонии БРИКС, ки шаҳри Санкт-Петербург таҳти раёсати Раиси Шурои Федератсияи Маҷлиси Федералии Федератсияи Русия Валентина Матвиенко баргузор гардид, иштирок намуд. Дар ин хусус ба АМИТ «Ховар» дар Маҷлиси намояндагон хабар доданд
Дар назди иштирокчиёни Анҷумани X парлумонии БРИКС Президенти Федератсияи Русия Владимир Путин суханронӣ намуда, гуфт, ки «Мавзуи форуми имрӯза «Нақши парлумонҳо дар таҳкими бисёрҷониба барои рушди одилонаи ҷаҳонӣ ва амнияти ҷаҳонӣ» ниҳоят муҳим аст.
Сипас, дар чаҳорчӯби раёсати Русия дар БРИКС анҷуман кори худро идома дод.
Дар идомаи кор ҷаласаи якуми пленарии анчуман дар ҳайати васеъ бо иштироки намояндагони ҳайатҳои парлумонии мамлакатҳои аъзои БРИКС, давлатҳои даъватшуда ва созмонҳои байнипарлумонӣ баргузор гардид. Он ба нақши парлумонҳо дар зиёд кардани самараи системаи муносибатҳои байналхалқӣ ва таъмини демократиконии он бахшида шуд.
Ҳамчунин ҷаласаи пленарии анҷуман дар ҳайати васеи иштирокчиён баргузор гардид. Иштирокчиён нақши парлумонҳоро дар муқовимат ба парокандагии низоми бисёрҷонибаи тиҷорат ва рафъи таҳдидҳои марбут ба паёмадҳои буҳронҳои ҷаҳонӣ баррасӣ намуданд.
Ҳамкории байнипарлумонӣ дар бахшҳои гуманитарӣ ва фарҳангӣ мавзуи сеюми ҷаласаи пленарии анҷуман дар ҳайати васеъ буд.
Бояд тазаккур дод, ки Анҷуман дар шакли нави васеъ бо иштироки роҳбарони парлумонҳои давлатҳои аъзои БРИКС, инчунин намояндагони созмонҳои порлумонии байналмилалӣ ва минтақавии Иттиҳоди Давлатҳои Мустақил баргузор гардид.
АКС: Маҷлиси намояндагони Маҷлиси Олии Ҷумҳурии Тоҷикистон
Созишнома байни Ҳукумати Тоҷикистон ва Ҳукумати Амороти Муттаҳидаи Арабӣ оид ба алоқаи ҳавоӣ қабул гардид
Доир ба рушди дипломатияи парламентӣ дар даврони соҳибистиқлолии Тоҷикистон ҳамоиш баргузор шуд
Ҳамкории байнипарламентии Тоҷикистон ва Қазоқистон тақвият меёбад
Мавсума Муинӣ: «Мавқеъ ва саҳми занон дар дипломатияи парламентии Ҷумҳурии Тоҷикистон намоён аст»
Ҷаласаи ғайринавбатии Шурои Маҷлиси намояндагони Маҷлиси Олӣ баргузор гардид
Кумитаи доимии Ассамблеяи парлумонии Осиё Қатънома оид ба фарҳанги истифодаи оқилонаи захираҳои обро қабул намуд
Кумитаи доимии Ассамблеяи парлумонии Осиё Қатънома оид ба таҳкими фарҳанги сулҳ, таҳаммулпазирӣ ва эҳтироми арзишҳои фарҳангии миллатҳоро қабул намуд
Файзалӣ Идизода бо Котиби генералии Ассамблеяи парламентии Осиё Муҳаммадризо Маҷидӣ вохӯрӣ намуд
26 СЕНТЯБР — РӮЗИ МАҶЛИСИ ОЛӢ — ПАРЛАМЕНТИ ҶУМҲУРИИ ТОҶИКИСТОН. Фаъолияти мақоми қонунгузор барои пешрафти давлат равона шудааст
Вохӯрии роҳбарони гурӯҳҳои дӯстии байнипарлумонии Ҷумҳурии Тоҷикистон ва Давлати Қатар доир шуд
Муҳаммадризо Маҷидӣ: «Фарҳанг чун яке аз пояҳои муколама ва ҳамдигарфаҳмӣ байни мардуми Осиё хизмат менамояд»
Файзалӣ Идизода: «Ассамблеяи парламентии Осиё дар ташаккули фазои ҳамдигарфаҳмӣ ва ҳамбастагӣ нақши муҳим дорад»
